ಯಲ್ಲಾಪುರ: ರಾಜ್ಯಮಟ್ಟದ ಭಾಷಣ ಸ್ಪರ್ಧೆಯಲ್ಲಿ ವಿಶ್ವದರ್ಶನ ಬಿ.ಇಡಿ ಕಾಲೇಜು ವಿದ್ಯಾರ್ಥಿನಿ ಹೇಮಾ ಗೌಡ ಗಮನಾರ್ಹ ಸಾಧನೆ ಮಾಡಿದ್ದಾರೆ.
ಬೆಂಗಳೂರಿನ ರಾಷ್ಟ್ರೋತ್ಥಾನ ಪರಿಷತ್’ನ ಪ್ರಶಿಕ್ಷಣ ಭಾರತಿ ಈ ಅಕ್ಟೊಬರ್ 19ರಂದು ಭಾಷಣ ಸ್ಪರ್ಧೆ ಆಯೋಜಿಸಿತ್ತು. ವಿವಿಧ ಭಾಗಗಳಿಂದ ಸ್ಪರ್ಧಿಗಳು ಆಗಮಿಸಿದ್ದರು. ಅದರಲ್ಲಿ ಬಿ.ಇಡಿ ಅಂತಿಮ ವರ್ಷದಲ್ಲಿ ಓದುತ್ತಿರುವ ಹೇಮಾ ಗೌಡ ಸಹ ಭಾಗವಹಿಸಿದ್ದರು. ರಾಷ್ಟಪ್ರೇಮದ ಕುರಿತು ಭಾಷಣ ಮಾಡಿದ ಅವರು ನಿರ್ಣಾಯಕರ ಗಮನ ಸೆಳೆದರು. ಆ ಮೂಲಕ ಮೂರನೇ ಬಹುಮಾನವನ್ನು ತಮ್ಮದಾಗಿಸಿಕೊಂಡರು.
ಸಿದ್ದಾಪುರ ಮೂಲಕ ಹೇಮಾ ಗೌಡ ಅವರು ಓದಿನಲ್ಲಿಯೂ ಮುಂದಿದ್ದಾರೆ. ಓಟ ಸೇರಿ ಇನ್ನಿತರ ಕ್ರೀಡಾ ಚಟುವಟಿಕೆಗಳಲ್ಲಿ ಸಹ ಸಾಧನೆ ಮಾಡಿದ್ದಾರೆ. ಪ್ರಸ್ತುತ ಭಾಷಣ ಸ್ಪರ್ಧೆಯಲ್ಲಿ ಸಹ ಬಹುಮಾನ ಪಡೆದು ಮಾತುಗಾರಿಕೆಯಲ್ಲಿಯೂ ಜಾಣ್ಮೆ ಮೆರೆದಿದ್ದಾರೆ.
