ನಿಯಮ ಉಲ್ಲಂಘಿಸಿದವರಿಗೆ ಗುಲಾಬಿ ಹೂ!

ಅಂಕೋಲಾ: ಪಟ್ಟಣದಲ್ಲಿ ಸಂಚಾರಿ ನಿಯಮ ಉಲ್ಲಂಘಿಸಿದವರಿಗೆ ದಂಡ ವಿಧಿಸುತ್ತಿದ್ದ ಪೊಲೀಸರು ಇದೀಗ ಗುಲಾಬಿ ಹೂ ನೀಡಿ ಗೌರವಿಸುತ್ತಿದ್ದಾರೆ!

Advertisement. Scroll to continue reading.

ಹೆಲ್ಮೆಟ್ ಧರಿಸಿ ವಾಹನ ಚಲಾಯಿಸಿ ಎಂದು ಪೊಲೀಸರು ಸಾಕಷ್ಟು ಅರಿವು ಮೂಡಿಸಿದರೂ ಹೆಲ್ಮೆಟ್ ಧರಿಸದ ವಾಹನ ಸವಾರರ ಮನವೊಲೈಕೆಗಾಗಿ ಪೊಲೀಸರು ಈ ಕೆಲಸ ಮಾಡಿದರು. ಇದರೊಂದಿಗೆ ಸಂಚಾರಿ ನಿಯಮ ಪಾಲಿಸದೇ ಇದ್ದರೆ ಆಗುವ ಅನಾಹುತಗಳ ಬಗ್ಗೆಯೂ ಪೊಲೀಸರು ಬೈಕ್ ಸವಾರರಿಗೆ ಅರಿವು ಮೂಡಿಸಿದರು. ಇನ್ನೊಮ್ಮೆ ಇದೇ ರೀತಿ ಸಂಚಾರಿ ನಿಯಮ ಉಲ್ಲಂಘಿಸಿ ಸಿಕ್ಕಿಬಿದ್ದರೆ ದಂಡ ವಿಧಿಸುವುದಾಗಿಯೂ ಎಚ್ಚರಿಸಿದರು!

ಇನ್ನೂ ಪಟ್ಟಣದಲ್ಲಿ ಸಂಚರಿಸುವ ಬಸ್ಸುಗಳ ಮೆಟ್ಟಿಲುಗಳ ಮೇಲೆ ಅನೇಕರು ನಿಂತು ಪ್ರಯಾಣಿಸುತ್ತಿದ್ದು, ಬಸ್ ಚಾಲಕ-ನಿರ್ವಾಹಕರು ಅಂಥವರನ್ನು ಬೈದು ಒಳಗೆ ದಬ್ಬುತ್ತಿದ್ದರು. ಆದರೆ, ಇದೀಗ ಪೊಲೀಸರು ಅಂಥವರನ್ನು ಮಾತನಾಡಿಸಿ ಅಪಾಯದ ಬಗ್ಗೆ ಮಾಹಿತಿ ನೀಡಿದರು. ಬಸ್ಸಿನಲ್ಲಿ ಜೋತಾಡುತ್ತಿರುವವರಿಗೆ ಒಳಗೆ ಕಳುಹಿಸಿ ಅರಿವು ಮೂಡಿಸಿದರು.