ಭಟ್ಕಳ: ಮುರುಡೇಶ್ವರ ಬಳಿಯ ಮಾವಳ್ಳಿಯ ಹೆಲನ್ ಎಂಬಾತರು ಅಪರಿಚಿತರನ್ನು ನಂಬಿ 50 ಲಕ್ಷ ರೂ ಕಳೆದುಕೊಂಡಿದ್ದಾರೆ. ಶೇರು ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡಿ ಲಾಭ ಮಾಡಿಕೊಡುವುದಾಗಿ ತಿಳಿಸಿದ ವಂಚಕರು ಎರಡು ವರ್ಷ ಕಳೆದರೂ ಹಣ ಮರಳಿಸಿಲ್ಲ. ಜೊತೆಗೆ ಹೆಲನ್ ಅವರ ಫೋನ್ ನಂ’ಅನ್ನು ಬ್ಲಾಕ್ ಮಾಡಿದ್ದಾರೆ.
Advertisement. Scroll to continue reading.
ADVERTISEMENT
ಸಚಿನ್ ಧುಮಿಂಗ್ ಎಂಬಾತರು ಮೊದಲು ಫೋನ್ ಮಾಡಿ ಶೇರು ಮಾರುಕಟ್ಟೆ ಮೂಲಕ ಲಾಭ ಮಾಡಿಕೊಡಿಸುವುದಾಗಿ ನಂಬಿಸಿದ್ದರು. ಇದರೊಂದಿಗೆ ಗುರುರಾಜ ಎಂಬಾತರು ಫೋನ್ ಮಾಡಿ ಪುಸಲಾಯಿಸಿದ್ದರು. ಇದನ್ನು ನಂಬಿದ ಹೆಲನ್ ಅವರು 21 ಅಕ್ಟೊಬರ್ 2022ರಿಂದ 04 ಅಗಸ್ಟ 2023ರವರೆಗೆ ಹಂತ ಹಂತವಾಗಿ 5073600ರೂಪಾಯಿಗಳನ್ನು ಅವರ ಖಾತೆಗೆ ವರ್ಗಾಯಿಸಿದ್ದರು.
ಆದರೆ, ಎರಡು ವರ್ಷ ಕಳೆದರೂ ಮೂಲ ಹಣವನ್ನು ಕೊಡಲಿಲ್ಲ. ಲಾಭದ ಮೊತ್ತವನ್ನು ಹಸ್ತಾಂತರಿಸಲಿಲ್ಲ. ಈ ಬಗ್ಗೆ ಪ್ರಶ್ನಿಸಿದಾಗ ಹೆಲನ್ ಅವರ ಫೋನ್ ನಂ ಬ್ಲಾಕ್ ಮಾಡಿದ್ದು, ಮೋಸ ಹೋಗಿರುವುದನ್ನು ಅರಿತ ಅವರ ಪುತ್ರಿ ಪೊಲೀಸ್ ದೂರು ನೀಡಿದ್ದಾರೆ.
ಅಪರಿಚಿತರ ಮಾತು ನಂಬಬೇಡಿ. ಹಣ ಕಳೆದುಕೊಳ್ಳಬೇಡಿ!
