ಗಾಂಜಾ ಮಾರಾಟಕ್ಕೆ ಎಪಿಎಂಸಿಗೆ ಬಂದ ಯುವಕ!

ಮುಂಡಗೋಡು: ಗಾಂಜಾ ಮಾರಾಟಕ್ಕಾಗಿ ಎಪಿಎಂಸಿ ಬಳಿ ಬಂದ್ದಿದ್ದ ಅಪರಿಚಿತನ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು, ಆತನ ಶೋಧ ನಡೆಸಿದ್ದಾರೆ.

Advertisement. Scroll to continue reading.

ಅಕ್ಟೊಬರ್ 29ರಂದು 21 ವರ್ಷದ ಯುವಕನೊಬ್ಬ ಗಾಂಜಾ ಹಿಡಿದು ಓಡಾಡುತ್ತಿದ್ದ. ಅದನ್ನು ಮಾರಾಟ ಮಾಡುವ ಉದ್ದೇಶದಿಂದ ಎಪಿಎಂಸಿ ಬಳಿ ಸಂಚರಿಸುತ್ತಿದ್ದ. ಅವರಿವರನ್ನು ಮಾತನಾಡಿಸಿ ಗಾಂಜಾ ಗಿರಾಕಿಯನ್ನು ಹುಡುಕುತ್ತಿದ್ದ. ಸಂಜೆ 7 ಗಂಟೆಯಾದ ಕಾರಣ ಕತ್ತಲು ಆವರಿಸಿದ್ದು, ಆತನ ಗುರುತು ಸಿಕ್ಕುವ ಹಾಗಿರಲಿಲ್ಲ.

ಗಾಂಜಾ ವ್ಯಾಪಾರ ಮಾಡುತ್ತಿರುವ ಯುವಕನ ಬಗ್ಗೆ ಅರಿತ ಪಿಐ ರಂಗನಾಥ ನೀಲಮ್ಮನವರ್ ಅಲ್ಲಿ ತೆರಳಿ ಪರಿಶೀಲನೆ ನಡೆಸಿದ್ದರು. ಪೊಲೀಸರ ವಾಹನ ನೋಡಿ ಆತ ಅಲ್ಲಿಂದ ಪರಾರಿಯಾಗಿದ್ದ. ಅದಾಗಿಯೂ ಪೊಲೀಸರು ಎಪಿಎಂಸಿ ಬಳಿ ಗಾಂಜಾ ಮಾರಲು ಉದ್ದೇಶಿಸಿದ ಅಪರಿಚಿತ ಯುವಕನ ವಿರುದ್ಧ ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಆ ಅಪರಿಚಿತನ ಹುಡುಕಾಟ ಮುಂದುವರೆದಿದೆ.