ವ್ಯಾಪಾರಿ ಮನೆಯಲ್ಲಿ ಕಳ್ಳತನ: ಬಂಗಾರದ ಜೊತೆ ಹಣ ನಾಪತ್ತೆ

ಹೊನ್ನಾವರ: ಹೊಸ್ಕೇರಿ ಹೊಂಡದ ವ್ಯಾಪಾರಿ ಮಹ್ಮದ್ ಹುಸೇನ್ ಮನೆಯಲ್ಲಿ ಕಳ್ಳತನವಾಗಿದೆ.

Advertisement. Scroll to continue reading.

ADVERTISEMENT

ನ 14ರಂದು ಅವರು ಮನೆಗೆ ಬೀಗ ಹಾಕಿ ಹೋಗಿದ್ದರು. ನ 16ರಂದು ಮರಳಿ ಬಂದಾಗ ಮನೆ ಬಾಗಿಲು ಮುರಿದು ಕಳ್ಳತನ ನಡೆದಿರುವುದು ಗೊತ್ತಾಗಿದೆ. ಬಂಗಾರದ ಹಾರ, ಬಂಗಾರದ ನೆಕ್ಲೇಸ್, ಚೈನ್ ಸೇರಿ ಹಲವು ಬಗೆಯ ಆಭರಣಗಳನ್ನು ಕಳ್ಳರು ದೋಚಿದ್ದಾರೆ. ಇದರೊಂದಿಗೆ ಅವರ ಮನೆಯಲ್ಲಿದ್ದ 35 ಸಾವಿರ ರೂ ಹಣವೂ ಕಳ್ಳರ ಪಾಲಾಗಿದೆ.

`ಕಳ್ಳರ ದಾಳಿಯಿಂದ ಒಟ್ಟು 9.30 ಲಕ್ಷ ರೂ ನಷ್ಟವಾಗಿದೆ. ಹೀಗಾಗಿ ಕಳ್ಳರನ್ನು ಹುಡುಕಿ ಕಳೆದು ಹೋಗಿರುವುದನ್ನು ಹಿಂತಿರುಗಿಸಿಕೊಡಬೇಕು’ ಎಂದು ಮಹ್ಮದ್ ಹುಸೇನ್ ಪೊಲೀಸ್ ದೂರು ನೀಡಿದ್ದಾರೆ.