Kiran Reporter Haveri
ಅಮೇರಿಕದ (America) ಡೆನ್ವರ್ ಕೊಲೊರಾಡೊ ಕನ್ವೆನ್ಸನ್ ಸೆಂಟರಿನಲ್ಲಿ ಅಗಸ್ಟ 18ರಿಂದ 22ರವರೆಗೆ ನಡೆಯಲಿರುವ `ಅಮೇರಿಕನ್ ಕೆಮಿಕಲ್ ಸೊಸೈಟಿ ಫಾಲ್ ಕಾನ್ಸರೆನ್ಸ್’ಗೆ ಬೇಸೆ ಗ್ರಾಮದ ಕಾವ್ಯಶ್ರೀ ಕುಪ್ಪಯ್ಯ ಗೊಂಡ ಭಾಗವಹಿಸಲು ಆಹ್ವಾನ ಪಡೆದಿದ್ದಾರೆ.
ಈ ಸಮ್ಮೇಳನದಲ್ಲಿ ರಸಾಯನಿಕ ಶಾಸ್ತ್ರಜ್ಞರು, ಇಂಜಿನಿಯರ್ಸ್, ಶಿಕ್ಷಣ ತಜ್ಞರು, ಪದವಿ ಮತ್ತು ಸ್ನಾತಕೋತ್ತರ ಪದವೀಧರ ವಿದ್ಯಾರ್ಥಿಗಳು, ವೃತ್ತಿಪರರು ಭಾಗವಹಿಸಲಿದ್ದಾರೆ. ಈ ಸಮ್ಮೇಳನವು ತಾಂತ್ರಿಕ ಅವಧಿ, ವೃತ್ತಿ ಅಭಿವೃದ್ಧಿ ಅವಕಾಶಗಳು ಮತ್ತು ನೆಟ್ವರ್ಕಿಂಗ್ ವಿಷಯ ಕುರಿತಾಗಿದೆ.
ಕಾವ್ಯಶ್ರೀ ಅವರು ಪ್ರಸ್ತುತ ಮಂಗಳೂರು ವಿಶ್ವವಿದ್ಯಾಲಯದಲ್ಲಿ ಡಾ. ಎಂ.ಆರ್. ಮದ್ಯಾನಿ ಅವರ ಮಾರ್ಗದರ್ಶನದಲ್ಲಿ ರಸಾಯನಶಾಸ್ತ್ರದಲ್ಲಿ ಪಿಎಚ್‌ಡಿ ಅಧ್ಯಯನ ಮಾಡುತ್ತಿದ್ದಾರೆ. ಭಟ್ಕಳ ನ್ಯಾಯಾಲಯದಲ್ಲಿ ದಲಾಯತನಾಗಿ ಸೇವೆ ಸಲ್ಲಿಸುತ್ತಿರುವ ಕುಪ್ಪಯ್ಯ ಗೊಂಡ ಹಾಗೂ ಲಕ್ಷ್ಮೀ ಗೊಂಡ ಅವರ ಪುತ್ರಿ.
