ಕಲ್ಬಂಡೆಗೆ ಗುದ್ದಿದ ಕಾರು: ದಂಪತಿಗೆ ಗಾಯ

ಹೊನ್ನಾವರ: ದಂಪತಿ ಚಲಿಸುತ್ತಿದ್ದ ಕಾರಿಗೆ ದನ ಅಡ್ಡ ಬಂದ ಕಾರಣ ಕಾರು ಕಲ್ಬಂಡೆಗೆ ಗುದ್ದಿದ್ದು, ಕಾರಿನಲ್ಲಿದ್ದ ಇಬ್ಬರು ಗಾಯಗೊಂಡಿದ್ದಾರೆ.

Advertisement. Scroll to continue reading.

ನ 19ರ ಮಧ್ಯಾಹ್ನ ಹೊನ್ನಾವರದ ಅಸೂರಖಾನ್ ಗಲ್ಲಿಯ ವ್ಯಾಪಾರಿ ಯಾಕೂಬ ಮಹ್ಮದ್ ಶಫಿ ಶೇಖ್ ಪತ್ನಿ ನಾಸೀರಾ ಜೊತೆ ಕಾರಿನಲ್ಲಿ ಹೊರಟಿದ್ದರು. ಸಾಗರದಿಂದ ಹೊನ್ನಾವರ ಕಡೆ ಕಾರು ಓಡಿಸುತ್ತಿದ್ದ ಅವರಿಗೆ ಆರೋಳ್ಳಿ ಸೇತುವೆ ಬಳಿ ದನ ಅಡ್ಡಬಂದಿತು. ಜಾನುವಾರುಗೆ ಕಾರು ಡಿಕ್ಕಿ ಆಗುವುದನ್ನು ತಪ್ಪಿಸುವುದಕ್ಕಾಗಿ ಅವರು ಏಕಾಏಕಿ ತಮ್ಮ ವಾಹನವನ್ನು ಎಡಬದಿಗೆ ತಿರುಗಿಸಿದ್ದು, ಅಲ್ಲಿಂದ ಕಲ್ಬಂಡೆಗೆ ಕಾರು ಗುದ್ದಿತು.

ಕಾರು ಗುದ್ದಿದ ರಭಸಕ್ಕೆ ನಾಜೀರಾ ತಲೆ, ಕಾಲು, ಕೈಗೆ ಗಾಯವಾಗಿದೆ. ಕಾರು ಓಡಿಸುತ್ತದ್ದ ಯಾಕೂಬ್’ಗೆ ಸಹ ಎದೆಗೆ ಪೆಟ್ಟಾಗಿದೆ. ಪೊಲೀಸರು ಸ್ಥಳ ಪರಿಶೀಲನೆ ನಡೆಸಿ ಪ್ರಕರಣ ದಾಖಲಿಸಿಕೊಂಡರು.