ಮೂವರ ಜೀವ ಕಾಪಾಡಿದ ಮೀನುಗಾರ ಮಕ್ಕಳು!

ಹೊನ್ನಾವರ: ಮೋಜು-ಮಸ್ತಿಯಲ್ಲಿ ತೊಡಗಿದ್ದ ಮೂವರು ಹುಡುಗಿಯರು ಅಪಾಯಕ್ಕೆ ಸಿಲುಕಿದ್ದು ಸಾಹಸಿ ಮೀನುಗಾರರು ಅವರನ್ನು ಅಪಾಯದಿಂದ ಪಾರು ಮಾಡಿದ್ದಾರೆ.

Advertisement. Scroll to continue reading.

ಭಾನುವಾರ ಹುಬ್ಬಳ್ಳಿಯ ಐವರು ಸ್ನೇಹಿತೆಯರು ಹೊನ್ನಾವರದ ಇಕೋ ಬೀಚಿಗೆ ಬಂದಿದ್ದರು. ಕಡಲತೀರದಲ್ಲಿ ಮೋಜು-ಮಸ್ತಿಯಲ್ಲಿ ತೊಡಗಿದ್ದ ಅವರು ಅಪಾಯದ ಮುನ್ಸೂಚನೆಯನ್ನು ಮೀರಿ ಸಮುದ್ರಕ್ಕೆ ಹಾರಿದ್ದರು. ಕುತ್ತಿಗೆ ಮಟ್ಟದವರೆಗೆ ನೀರು ಬರುವವರೆಗೂ ಅವರು ನೀರಿನಲ್ಲಿ ಹೋಗಿದ್ದು, ಐವರಲ್ಲಿ ಮೂವರು ಅರಬ್ಬಿ ಸಮುದ್ರದ ಅಲೆಗೆ ಕೊಚ್ಚಿ ಹೋದರು.

ಇದನ್ನು ಅಲ್ಲಿನ ಲೈಫ್‌ಗಾರ್ಡ ಸಿಬ್ಬಂದಿ ಮಹೇಶ ಹರಿಕಂತ್ರ ನೋಡಿದರು. ತಕ್ಷಣ ಸಹಚರರಾದ ಶಶಾಂಕ ಅಂಬಿಗ ಹಾಗೂ ಯೋಗೇಶ ಅಂಬಿಗರ ಜೊತೆಗೂಡಿ ಸ್ವಾತಿ (24), ಚೆತಾಲಿ 21 ಹಾಗೂ ಸೃಷ್ಟಿ (20) ಎಂಬಾತರನ್ನು ಅವರು ರಕ್ಷಿಸಿದರು.