ರಿಕ್ಷಾವಾಲನಿಗೆ ವಿದೇಶಿ ವ್ಯಾಮೋಹ!

ರಿಕ್ಷಾದ ಮೇಲೆ ವಿದೇಶಿ ಧ್ವಜ ಹಾರಿಸಿಕೊಂಡು ಹೋಗುತ್ತಿದ್ದ ಚಾಲಕನನ್ನು ವಿಚಾರಣೆಗೆ ಒಳಪಡಿಸಿದ ಭಟ್ಕಳ ಪೊಲೀಸರು ಆ ರಿಕ್ಷಾ ಮೇಲಿನ ಬಾವುಟ ತೆರವು ಮಾಡಿದ್ದಾರೆ. ಹಲವು ದಿನಗಳಿಂದ ಆತ ವಿದೇಶಿ ಧ್ವಜ ಹಾರಿಸುತ್ತಿದ್ದರೂ ಯಾರೂ ಪ್ರಶ್ನಿಸಿರಲಿಲ್ಲ!

Advertisement. Scroll to continue reading.

ಭಟ್ಕಳಕ್ಕೆ ಬಂದಿದ್ದ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿ `ದೇಶದಲ್ಲಿ ಬೇರೆ ದೇಶದ ಧ್ವಜ ಹಾರಿಸಲು ಯಾರಿಗೂ ಅಧಿಕಾರ ಇಲ್ಲ’ ಎಂದು ಭಾಷಣ ಮಾಡಿದ್ದರು. ಈ ವೇಳೆ ಪತ್ರಕರ್ತರೊಬ್ಬರು `ಭಟ್ಕಳದಲ್ಲಿ ವಿದೇಶಿ ಧ್ವಜ ಹಾರಾಡುತ್ತಿದೆ’ ಎಂದು ಸಾಕ್ಷಿ ಒದಗಿಸಿದ್ದರು. ತಕ್ಷಣ ಪೊಲೀಸರನ್ನು ಕರೆದ ಸಂಸದರು ವಿದೇಶಿ ಧ್ವಜ ಹಾರಿಸಿದವನ ಮೇಲೆ ಪ್ರಕರಣ ದಾಖಲಿಸಲು ಸೂಚಿಸಿದರು. ಎಲ್ಲಡೆ ಓಡಾಟ ನಡೆಸಿದ ಪೊಲೀಸರು ಆ ರಿಕ್ಷಾದವನನ್ನು ಹಿಡಿದು ಧ್ವಜವನ್ನು ತೆರವು ಮಾಡಿದರು.