Kiran Reporter Haveri
ಯಲ್ಲಾಪುರ: ಬೆಳಗಾವಿಯಿಂದ ಯಲ್ಲಾಪುರದ ಕಡೆಗೆ ಹೊರಟಿದ್ದ ಸರ್ಕಾರಿ ಬಸ್ಸಿನಲ್ಲಿ ಪ್ರಯಾಣ ಮಾಡಲು ಅವಕಾಶಕೊಡದ ಕಾರಣ ಕುಟುಂಬವೊoದು ಮಹಿಳಾ ಕಂಡೆಕ್ಟರ್ ಮೇಲೆ ಹಲ್ಲೆ ನಡೆಸಿದೆ. ಕಂಡೆಕ್ಟರ್ ಸಹ ಕುಟುಂಬ ಸದಸ್ಯರ ಮೇಲೆ ಕೈ ಮಾಡಿದ್ದು, ಈ ವಿದ್ಯಮಾನದಿಂದ ಬಸ್ ನಿಲ್ದಾಣದಲ್ಲಿ ಗೊಂದಲದ ವಾತಾವರಣ ಸೃಷ್ಟಿಯಾಗಿತ್ತು.
ಬಸ್ಸಿನಲ್ಲಿ ಸ್ಥಳಾವಕಾಶ ಇಲ್ಲದ ಕಾರಣ ಕಂಡೆಕ್ಟರ್ ಸೀಟಿ ಊದಿದ್ದು ಬಸ್ ಮುಂದೆ ಚಲಿಸಿದೆ. ಆದರೆ, ಕುಟುಂಬವೊoದರ ಸದಸ್ಯನಾಗಿದ್ದ ಬಾಲಕ ತನ್ನ ಪಾಲಕರನ್ನು ಬಿಟ್ಟು ಆ ಬಸ್ ಏರಿದ್ದ. ಇದನ್ನು ಅರಿಯದೇ ಬಸ್ ಚಾಲಕ ಮುಂದೆ ಚಲಿಸಿದ್ದು ಕಾರಿನಲ್ಲಿ ಬಸ್ಸನ್ನು ಹಿಂಬಾಲಿಸಿದ ಆ ಕುಟುಂಬದವರು ಯಲ್ಲಾಪುರದಲ್ಲಿ ಬಸ್ಸನ್ನು ಹಿಡಿದು, ವಾಗ್ವಾದ ನಡೆಸಿದರು. ಈ ವೇಳೆ ಕೆಟ್ಟ ಪದ ಬಳಸಿದ ಕಾರಣ ಕಂಡೆಕ್ಟರ್ ಕುಟುಂಬದವರ ಮೇಲೆ ಹಲ್ಲೆ ಮಾಡಿದ್ದು, ಆಗ ಕಾರಿನಲ್ಲಿ ಬಂದಿದ್ದ 7 ಜನ ಸೇರಿ ಆಕೆಯನ್ನು ಥಳಿಸಿದ್ದಾರೆ.
