ಬೀಡಾ ಅಂಗಡಿಯಲ್ಲಿ ಅಂಕಿ ಸಂಖ್ಯೆಯ ಓಟ!

ಹಳಿಯಾಳ: ಬಾಯಲ್ಲಿ ನೀರುಣಿಸುವ ಹಾಗೆ ಬೀಡಾ ಕಟ್ಟಿಕೊಡುವ ಪರಶುರಾಮ ಬೈಲಪ್ಪಗೋಳ್ ತಮ್ಮ ಬೀಡಾ ಅಂಗಡಿಯಲ್ಲಿ ರಾಜಾರೋಷವಾಗಿ ಓಸಿ ಆಟವನ್ನು ಆಡಿಸುತ್ತಾರೆ.
ಪಿಶ್ ಸರ್ಕಲ್ ಬಳಿ ಕೆಲ ವರ್ಷಗಳಿಂದ ದುರ್ಗಾನಗರದ ಪರಶುರಾಮ ಬೀಡಾ ಅಂಗಡಿ ನಡೆಸುತ್ತಿದ್ದಾರೆ. ಅವರು ಬೀಡಾ ಮಾರಾಟಕ್ಕಿಂತಲೂ ಓಸಿ ಆಡಿಸುವುದರಿಂದ ಹೆಚ್ಚಿನ ಹಣಗಳಿಸುತ್ತಿದ್ದರು. ಅದೃಷ್ಟದ ಆಟ ಆಡುವ ಒಂದಷ್ಟು ಖಾಯಂ ಗ್ರಾಹಕರನ್ನು ಅವರು ಹೊಂದಿದ್ದರು. ಜುಲೈ 12ರ ಸಂಜೆ ಇಲ್ಲಿ ಜನರಿಂದ ಹಣ ಸಂಗ್ರಹಿಸಿ ಅಂಕೆ-ಸoಖ್ಯೆಯ ಆಟ ಆಡಿಸುತ್ತಿದ್ದಾಗ ಅವರು ಪಿಸೈ ವಿನೋದ ಎಸ್ ಕೆ ಬಳಿ ಸಿಕ್ಕಿಬಿದ್ದಿದ್ದಾರೆ. ದಾಳಿಯ ವೇಳೆ ಜನರಿಂದ ಸಂಗ್ರಹಿಸಿದ್ದ 7 ಸಾವಿರ ರೂ ಪೊಲೀಸರಿಗೆ ಸಿಕ್ಕಿದೆ. ಓಸಿ ಆಡಲು ಕಟ್ಟಿದ ಹಣ ಇದೀಗ ನ್ಯಾಯಾಲಯಕ್ಕೆ ಸೇರಿದ್ದು, ಪರಶುರಾಮರ ವಿಚಾರಣೆ ಮುಂದುವರೆದಿದೆ.