ಕೈಗಾ: ಅಣು ವಿಜ್ಞಾನಿಯ ತಾಯಿ ನಿಗೂಢ ನಾಪತ್ತೆ

ಕಾರವಾರ: ಕೈಗಾ ಅಣು ವಿದ್ಯುತ್ ಘಟಕದ ವಿಜ್ಞಾನಿ ವಿನಾಯಕ ಪ್ರಸಾದ ಅವರ ತಾಯಿ ನಿಗೂಢವಾಗಿ ಕಾಣೆಯಾಗಿದ್ದಾರೆ.

Advertisement. Scroll to continue reading.

ವಿನಾಯಕ ಪ್ರಸಾದ ಅವರ ತಾಯಿ ದೇವರಮ್ಮ ಅವರು ಶಾಲೆಯಲ್ಲಿ ಮುಖ್ಯ ಶಿಕ್ಷಕಿಯಾಗಿ ನಿವೃತ್ತರಾಗಿದ್ದರು. 70 ವರ್ಷದ ಅವರು ತಮ್ಮ ಚಿತ್ರದುರ್ಗದ ಹಿರಿಯೂರಿನಲ್ಲಿ ಒಬ್ಬರೇ ಇರುತ್ತಿದ್ದ ಕಾರಣ ನಾಲ್ಕು ತಿಂಗಳ ಹಿಂದೆ ವಿನಾಯಕ ಪ್ರಸಾದ ಅವರು ಮಲ್ಲಾಪುರದ ಟೌನ್‌ಶಿಫ್’ಗೆ ಕರೆ ತಂದಿದ್ದರು.

ನ 19ರಂದು ಬೆಳಗ್ಗೆ ಎಂದಿನoತೆ ವಾಕಿಂಗ್ ಹೊರಟ ದೇವರಮ್ಮ ಅವರು ಟೌನ್‌ಶಿಪ್’ಗೆ ಮರಳಿ ಬಂದಿಲ್ಲ. ಅವರು ಹಿರಿಯೂರಿಗೆ ಹೋಗಿರಬಹುದು ಎಂದು ಅಂದಾಜಿಸಿ ಅಲ್ಲಿ ವಿಚಾರಿಸಿದರೂ ಯಾವುದೇ ಸುಳಿವು ಸಿಕ್ಕಿಲ್ಲ. ವಿವಿಧ ಆಶ್ರಮಗಳಲ್ಲಿ ಹುಡುಕಾಡಿದರೂ ದೇವರಮ್ಮ ಕಾಣಿಸಿಲ್ಲ.

ವಿನಾಯಕ ಪ್ರಸಾದ ಅವರು ತಮ್ಮ ಪರಿಚಯವಿರುವ ಎಲ್ಲಾ ಕಡೆ ತಾಯಿ ಹುಡುಕಾಟ ನಡೆಸಿದರೂ ಅವರ ಬಗ್ಗೆ ಯಾರಿಗೂ ಮಾಹಿತಿ ಇಲ್ಲ. ಹೀಗಾಗಿ ಮಲ್ಲಾಪುರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ ಅವರು `ತನ್ನ ತಾಯಿ ಹುಡುಕಿಕೊಡಿ’ ಎಂದು ಮನವಿ ಮಾಡಿದ್ದಾರೆ.