ಮಂಚಿಕೇರಿ | ಮುಂದುವರೆದ ಮಟ್ಕಾ ದಾಳಿ: ಓಸಿ ಆಟಗಾರನಿಗೆ ಲಾಠಿ ಬಿಸಿ!

ಯಲ್ಲಾಪುರ: ಉಮ್ಮಚ್ಗಿ ಬಳಿಯ ಟೇಲಿಫೋನ್ ಕಚೇರಿ ಹತ್ತಿರ ಓಸಿ ಆಡಿಸುತ್ತಿದ್ದ ಉಮೇಶ ನಾಯ್ಕ’ಗೆ ಪೊಲೀಸರು ಬಿಸಿ ಮುಟ್ಟಿಸಿದ್ದಾರೆ.

Advertisement. Scroll to continue reading.

ADVERTISEMENT

ಉಮ್ಮಚ್ಗಿ ಜನತಾ ಕಾಲೋನಿಯ ಉಮೇಶ ತಿಮ್ಮಯ್ಯ ನಾಯ್ಕ ನ 12ರ ಸಂಜೆ 7 ಗಂಟೆಗೆ ಸಾರ್ವಜನಿಕ ಸ್ಥಳದಲ್ಲಿ ನಿಂತು ಜೂಜಾಟದ ಹಣ ಸಂಗ್ರಹಿಸುತ್ತಿದ್ದ. `1ರೂಪಾಯಿಗೆ 80ರೂ, ಅದೃಷ್ಟ ಇದ್ದವರಿಗೆ ಕಾಸು’ ಎಂದು ಆತ ಮಟ್ಕಾ ಬಗ್ಗೆ ಪ್ರಚಾರ ಮಾಡುತ್ತಿದ್ದ. ಅಲ್ಲಿ ಓಡಾಡುವ ಜನರಿಂದ ಒಟ್ಟು 1150ರೂ ಹಣವನ್ನು ಸಂಗ್ರಹಿಸಿದ್ದ.

ಪೊಲಿಸ್ ಉಪನಿರೀಕ್ಷಕ ಸಿದ್ದಪ್ಪ ಗುಡಿ ಆತನ ಮೇಲೆ ದಾಳಿ ನಡೆಸಿ ಮಟ್ಕಾ ಆಡಿಸಲು ಬಳಸುತ್ತಿದ್ದ ಪರಿಕ್ಕರಗಳನ್ನು ವಶಕ್ಕೆ ಪಡೆದರು. ಸಂಗ್ರಹಿಸಿದ ಹಣವನ್ನು ಸಹ ನ್ಯಾಯಾಲಯಕ್ಕೆ ಒಪ್ಪಿಸಿದರು. ಎಎಸ್‌ಐ ನೀಲಕಂಠ ಆಚಾರಿ ಈ ಪ್ರಕರಣ ತನಿಖೆ ನಡೆಸುತ್ತಿದ್ದಾರೆ.