ಶಿರಸಿ: ಬಕ್ಕಳ ಕಾರೆಬೈಲ್ ಬಳಿಯ ರಾಜಾರಾಮ ಸುಬ್ರಾಯ ಹೆಗಡೆ (58) ಹಾಗೂ ಜಡ್ಡಿಗದ್ದೆಯ ಪರಮೇಶ್ವರ ನೀಲಕಂಠ ಭಟ್ಟ (38) ಎಂಬಾತರು ಗಾಂಜಾ ಸೇವಿಸುತ್ತಿರುವಾಗ ಪೊಲೀಸರಿಗೆ ಸಿಕ್ಕಿ ಬಿದ್ದಿದ್ದಾರೆ. ದಮ್ಮಯ್ಯ ಹಾಕಿದರೂ ಬಿಡದ ಪೊಲೀಸರು ಅವರಿಬ್ಬರ ವೈದ್ಯಕೀಯ ಪರೀಕ್ಷೆ ನಡೆಸಿದ್ದಾರೆ. ಅಮಲು ಪದಾರ್ಥ ಸೇವನೆ ದೃಢವಾದ ಕಾರಣ ಪ್ರಕರಣ ದಾಖಲಿಸಿದ್ದಾರೆ.
ಅಕ್ಟೊಬರ್ 24ರ ಮಧ್ಯಾಹ್ನ 3 ಗಂಟೆಗೆ ಈ ಇಬ್ಬರು ಹುಲೆಕಲ್ ರಸ್ತೆಯಲ್ಲಿ ನಿಂತಿದ್ದರು. ಕೆಂಗ್ರೆ ಹೊಳೆ ಬಳಿ ಅವರು ಬಾಯಿಂದ ಹೊಗೆ ಹಾರಿಸುತ್ತಿದ್ದರು. ಈ ವೇಳೆ ಪಿಎಸ್‌ಐ ದಯಾನಂದ ಜೋಗಳೆಕರ್ ಅವರನ್ನು ಮಾತನಾಡಿಸಿದರು. ಮಾತು ತೊದಲಿದ ಕಾರಣ ಅವರಿಬ್ಬರ ಮೇಲೆ ಅನುಮಾನಗೊಂಡರು.
ರಾಜಾರಾಮ ಸುಬ್ರಾಯ ಹೆಗಡೆ ಹಾಗೂ ಪರಮೇಶ್ವರ ನೀಲಕಂಠ ಭಟ್ಟ ಇಬ್ಬರನ್ನು ಆಸ್ಪತ್ರೆಗೆ ಕರೆತಂದ ಪೊಲೀಸರು ವೈದ್ಯಕೀಯ ಪರೀಕ್ಷೆಗೆ ಒಳಪಡಿಸಿದರು. ಪಂಡಿತ್ ಸಾರ್ವಜನಿಕ ಆಸ್ಪತ್ರೆಯ ವೈದ್ಯರು ತಪಾಸಣೆ ನಡೆಸಿದರು. ನಂತರ `ಅವರಿಬ್ಬರು ಗಾಂಜಾ ಸೇವಿಸಿದ್ದಾರೆ’ ಎಂದು ವರದಿ ನೀಡಿದರು. ಸಾರ್ವಜನಿಕ ಸ್ಥಳದಲ್ಲಿ ನಿಷೇಧಿತ ಗಾಂಜಾ ಸೇವಿಸಿದ ಕಾರಣ ಪೊಲೀಸರು ಆ ಇಬ್ಬರ ಮೇಲೆ ಪ್ರಕರಣ ದಾಖಲಿಸಿಕೊಂಡರು.
