ಸೊರಬದಿಂದ ಬಂದವಳು ಶಿರಸಿಯಲ್ಲಿ ಸತ್ತಳು!

ಶಿರಸಿ: ಮೂರು ವರ್ಷದಿಂದ ಮಾನಸಿಕ ಕಾಯಿಲೆಯಿಂದ ಬಳಲುತ್ತಿದ್ದ ನೇಹಾಭಾನು (23) ಎಂಬಾತರು ಕೋಟೆಕೆರೆ ನೀರಿಗೆ ಹಾರಿ ಆತ್ಮಹತ್ಯೆಗೆ ಶರಣಾಗಿದ್ದಾರೆ.

Advertisement. Scroll to continue reading.

ಶಿವಮೊಗ್ಗ ಜಿಲ್ಲೆಯ ಸೊರಬ ಬಳಿಯ ಆನವಟ್ಟಿಯ ನೇಹಾಭಾನು ಮಾನಸಿಕವಾಗಿ ಅಸ್ವಸ್ಥರಾಗಿದ್ದರು. ಈ ಹಿನ್ನಲೆ ಶಿವಮೊಗ್ಗ, ಬೆಂಗಳೂರು ಸೇರಿ ವಿವಿಧ ಕಡೆ ಅವರಿಗೆ ಚಿಕಿತ್ಸೆ ಕೊಡಿಸಲಾಗಿತ್ತು. ಆದರೆ, ಗುಣಮುಖವಾಗಿರಲಿಲ್ಲ.

ನ 8ರಂದು ನೇಹಾಭಾನು ತನ್ನ ಅಜ್ಜಿಮನೆಯಾದ ಶಿರಸಿಗೆ ಬಂದಿದ್ದರು. ಇಲ್ಲಿನ ಕಸ್ತೂರಿಬಾ ನಗರದಲ್ಲಿ ಅವರು ವಾಸ್ತವ್ಯ ಹೂಡಿದ್ದರು. ನ 10ರಂದು ಅವರು ಕಣ್ಮರೆಯಾಗಿದ್ದು, ಹುಡುಕಾಟ ನಡೆಸಿದರೂ ಸಿಕ್ಕಿರಲಿಲ್ಲ. ನಂತರ ಕೋಟೆಕೆರೆ ನೀರಿನಲ್ಲಿ ಅವರ ಶವ ಕಾಣಿಸಿದೆ.

ನೇಹಾಭಾನು ಆತ್ಮಹತ್ಯೆ ಮಾಡಿಕೊಂಡಿರುವ ಬಗ್ಗೆ ಪೊಲೀಸ್ ಪ್ರಕರಣ ದಾಖಲಿಸಿದ ಅವರ ತಂದೆ ಜಾವೀದ್ ಸಾಬ್ ಖಾಜಿ ಶವ ಪಡೆದರು.