Kiran Reporter Haveri
ಸ್ನೇಹಿತನ ಜೊತೆ ಪ್ರವಾಸಕ್ಕೆ ಬಂದಿದ್ದ ಮಹೇಶ ರಾಯಗೌಡರ್ ನೀರಿನಲ್ಲಿ ಮುಳುಗಿ ಸಾವನಪ್ಪಿದ್ದಾರೆ. ಅವರು ಏರ್‌ಪೋರ್ಸನಲ್ಲಿ ಸಿವಿಲಿಯನ್ ಕುಕ್ ಆಗಿ ಸೇವೆ ಸಲ್ಲಿಸುತ್ತಿದ್ದರು.
ಬೆಳಗಾವಿ ಮೂಲದ ಮಹೇಶ ರಾಯಗೌಡರ್ ತಮ್ಮ ಸ್ನೇಹಿತ ಮಂಜುನಾಥ ಹೊಸಮನಿ ಅವರ ಜೊತೆ ಜನವರಿ 19ರಂದು ಉಳುವಿಗೆ ಬಂದಿದ್ದರು. ಆ ದಿನ ಚನ್ನ ಬಸವೇಶ್ವರ ದೇವಾಲಯ ದರ್ಶನ ಮುಗಿಸಿ ಅಲ್ಲಿಯೇ ತಂಗಿದ್ದರು. ಜನವರಿ 20ರಂದು ಅಂಬೋಲಿ-ಉಳುವಿ ನಡುವಿನ ಕಾನೇರಿ ಸೇತುವೆ ಕೆಳಗಿನ ಹಳ್ಳಕ್ಕೆ ತೆರಳಿದ್ದರು.
ಆ ವೇಳೆ ಮಂಜುನಾಥ ಹೊಸಮನಿ ಈಜು ಬಾರದ ಕಾರಣ ದಡದಲ್ಲಿ ಕೂತಿದ್ದರು. ಮಹೇಶ ರಾಯಗೌಡರ್ ಹಳ್ಳಕ್ಕೆ ಇಳಿದು ಈಜುವ ಪ್ರಯತ್ನ ನಡೆಸಿದ್ದರು. ಹಳ್ಳದ ಮದ್ಯಭಾಗಕ್ಕೆ ತೆರಳಿದಾಗ ಈಜಲು ಆಗದೇ ಮಹೇಶ ರಾಯಗೌಡರ್ ನೀರಿನಲ್ಲಿ ಮುಳುಗಿದರು. `ಕಾಪಾಡು’ ಎಂದು ಅವರು ಕೂಗಿದರೂ ಮಂಜುನಾಥ ಹೊಸಮನಿ ಅವರಿಂದ ಬದುಕಿಸಿಕೊಳ್ಳಲು ಸಾಧ್ಯವಾಗಲಿಲ್ಲ.
ಸ್ನೇಹಿತನ ಕಣ್ಣ ಮುಂದೆಯೇ ಮಹೇಶ ರಾಯಗೌಡರ್ ನೀರಿನಲ್ಲಿ ಮುಳುಗಿ ಸಾವನಪ್ಪಿದರು. ಈ ಬಗ್ಗೆ ಮಂಜುನಾಥ ಹೊಸಮನಿ ಮಹೇಶ ಅವರ ತಂದೆ ಸುಭಾಷ ರಾಯಗೌಡರ್ ಅವರಿಗೆ ವಿಷಯ ಮುಟ್ಟಿಸಿದರು. ಜೊಯಿಡಾ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿ ಕುಟುಂಬದವರು ಶವ ಪಡೆದರು.
