ಲಂಡನ್ ಸೇತುವೆ ಅಡಿ ಸಿಕ್ಕ ಅಪರಿಚಿತನ ಶವ

ಕಾರವಾರ: ಬುಧವಾರ ಮಧ್ಯಾಹ್ನ ಲಂಡನ್ ಸೇತುವೆ ಬಳಿ ಮಲಗಿದ್ದ ಅಪರಿಚಿತ ವ್ಯಕ್ತಿಯೊಬ್ಬ ಅಲ್ಲಿಯೇ ಸಾವನಪ್ಪಿದ್ದಾನೆ.

Advertisement. Scroll to continue reading.

ADVERTISEMENT

ಮಧ್ಯಾಹ್ನ 1.30ಕ್ಕೆ ಅಪರಿಚಿತ ಸಾವನಪ್ಪಿರುವುದನ್ನು ನೋಡಿದ ಸ್ಟಾನಿ ಫರ್ನಾಂಡಿಸ್ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ನಗರದಲ್ಲಿ ಭಿಕ್ಷೆ ಬೇಡಿ ಬದುಕುತ್ತಿದ್ದ ಅಪರಿಚಿತನ ಬಗ್ಗೆ ಯಾರಿಗೂ ಮಾಹಿತಿ ಇಲ್ಲ. ಆತನ ಹೆಸರು, ವಿಳಾಸ ಸಹ ಗೊತ್ತಾಗಿಲ್ಲ.

ಅಂದಾಜು 45 ವರ್ಷದ ಆತ ಕೆಲ ದಿನಗಳಿಂದ ನಗರದ ವಿವಿಧ ಕಡೆ ಸಂಚರಿಸುತ್ತಿದ್ದ. ಎಲ್ಲೆಂದರಲ್ಲಿ ಊಟ ಮಾಡಿ, ಜಾಗ ಸಿಕ್ಕ ಕಡೆ ಮಲಗುತ್ತಿದ್ದ. ಬುಧವಾರ ಮಧ್ಯಾಹ್ನವೂ ಆತ ಅನಾರೋಗ್ಯದಿಂದ ಸಾವನಪ್ಪಿದ ಅನುಮಾನಗಳಿವೆ.