ಜೊಯಿಡಾ: ದೀಪಾವಳಿ ಹಬ್ಬ ಆಚರಿಸಲು ಅಗತ್ಯವಿರುವ ಸಾಮಗ್ರಿ ಖರೀದಿಗಾಗಿ ಪೇಟೆಗೆ ಹೋದ ಜಾನು ಪಾವಣೆ (38) ಕಾಣೆಯಾಗಿದ್ದಾರೆ. ಜಾನು ಪಾವಣೆ ಕಾಣೆಯಾಗುವ ಮುನ್ನ `ತನ್ನನ್ನು ಯಾರೂ ಹುಡುಕಬೇಡಿ’ ಎಂದು ಸಹೋದರ ದಾಖಲು ಪಾವಣೆಗೆ ಫೋನ್ ಮಾಡಿ ಹೇಳಿದ್ದಾರೆ.
Advertisement. Scroll to continue reading.
ADVERTISEMENT
ಆಮಶೇತದ ಜಾನು ಪಾವಣೆ ಹಾಗೂ ದಾಖಲು ಪಾವಣೆ ಅಕ್ಟೊಬರ್ 29ರಂದು ದೀಪಾವಳಿ ಹಬ್ಬದ ಸಾಮಗ್ರಿ ಖರೀದಿಗೆ ರಾಮನಗರದ ಕಡೆ ಹೊರಟಿದ್ದರು. ನಡುವೆ ಅಡಾಳಿಯಲ್ಲಿರುವ ಅಕ್ಕನ ಮನೆಗೆ ಹೋಗಿ ಪೇಟೆಗೆ ಬಂದಿದ್ದರು. ದೀಪಾವಳಿ ಸಾಮಗ್ರಿ ಖರೀದಿ ನಂತರ ತಪ್ಪಿಸಿಕೊಂಡ ಜಾನು ಪಾವಣೆ `ನನ್ನನ್ನು ಹುಡುಕಬೇಡ’ ಎಂದು ಫೋನ್ ಮಾಡಿ ನಂತರ ಸ್ವಿಚ್ ಆಫ್ ಮಾಡಿದ್ದಾರೆ.
ಗಾಬರಿಗೊಂಡ ದಾಖಲು ಪಾಣೆ ತಕ್ಷಣ ಮನೆಗೆ ಹೋಗಿ ಜಾನುವಿನ ಪತ್ನಿ ಮನಿಷಾಗೆ ಈ ವಿಷಯ ಹೇಳಿದ್ದಾರೆ. ನಂತರ ಎಲ್ಲರೂ ಸೇರಿ ಹುಡುಕಾಡಿದರೂ ಜಾನು ಸಿಕ್ಕಿಲ್ಲ. ಹೀಗಾಗಿ ಜಾನು ಪಾವಣೆ ಹುಡುಕಿಕೊಡುವಂತೆ ಅವರ ಕುಟುಂಬದವರು ಪೊಲೀಸರ ಮೊರೆ ಹೋಗಿದ್ದಾರೆ.
