ಯಲ್ಲಾಪುರ: ಕುಂದರಗಿ ಬಳಿಯ ಹಿತ್ತಲಿನಲ್ಲಿ ಅಡಗಿಸಿಟ್ಟಿದ್ದ ಕಳ್ಳ ಬಂದೂಕನ್ನು ಪೊಲೀಸರು ಪತ್ತೆ ಹಚ್ಚಿದ್ದಾರೆ.
Advertisement. Scroll to continue reading.
ADVERTISEMENT
ಕುಂದರಗಿ ಬಳಿಯ ಬೆಳ್ಳಂಬಿ ಗ್ರಾಮದಲ್ಲಿ ಕೂಲಿ ಕೆಲಸ ಮಾಡಿಕೊಂಡಿದ್ದ ನರಸಿಂಹ ಹುಲಿಯಾ ಮರಾಠಿ (42) ಒಂಟಿ ನಳಕೆಯ ನಾಡ ಬಂದೂಕು ಹೊಂದಿದ್ದರು. ಅದಕ್ಕೆ ಯಾವುದೇ ಪರವಾನಿಗೆ ಇರಲಿಲ್ಲ. ಹೀಗಾಗಿ ಆ ಬಂದೂಕನ್ನು ಅವರು ಹಿತ್ತಲಿನ ಶೆಡ್ಡಿನಲ್ಲಿ ಅಡಗಿಸಿಟ್ಟಿದ್ದರು.
ನ 21ರಂದು ಮಧ್ಯಾಹ್ನ ಪಿ ಎಸ್ ಐ ಸಿದ್ದಪ್ಪ ಗುಡಿ ಅವರಿಗೆ ಶೆಡ್ಡಿನಲ್ಲಿರುವ ಬಂದೂಕಿನ ಬಗ್ಗೆ ಮಾಹಿತಿ ಸಿಕ್ಕಿತು. ಹೀಗಾಗಿ ಹಿತ್ತಲಿನ ಶೆಡ್ಡಿನ ಮೇಲೆ ಅವರು ದಾಳಿ ನಡೆಸಿದರು. ಅಲ್ಲಿ ಅಂದಾಜು 5 ಸಾವಿರ ರೂ ಮೊತ್ತದ ನಾಡ ಬಂದೂಕು ಸಿಕ್ಕಿದ್ದು, ಅದನ್ನು ಪೊಲೀಸರು ವಶಕ್ಕೆ ಪಡೆದರು.
ಪಿಎಸ್ಐ ನಸ್ರೀನ್ ತಾಜ್ ಪ್ರಕರಣ ತನಿಖೆ ನಡೆಸುತ್ತಿದ್ದಾರೆ.
