ಈ ಚಾಲಕರಿಗೆ ಬೇರೆ ಕೆಲಸವೇ ಇಲ್ಲ!

ಯಲ್ಲಾಪುರ: ಕಿರವತ್ತಿಯಿಂದ ಸೋಮಾಪುರಕ್ಕೆ ತೆರಳುವ ರಸ್ತೆ ಮೇಲೆ ಕುಳಿತು ಜೂಜಾಡುತ್ತಿದ್ದ ಐವರನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಜೂಜಾಟ ನಡೆಸಿ ಸಿಕ್ಕಿ ಬಿದ್ದ ಎಲ್ಲರೂ ವಾಹನ ಚಾಲಕರು. ಜೊತೆಗೆ 30 ವರ್ಷಕ್ಕಿಂತ ಚಿಕ್ಕವರು!

Advertisement. Scroll to continue reading.

ನವೆಂಬರ್ 4ರಂದು ರಾತ್ರಿ 12.30ಕ್ಕೆ ಪಿಎಸ್‌ಐ ಸಿದ್ದಪ್ಪ ಗುಡಿ ಇಸ್ಪಿಟ್ ಆಡುತ್ತಿದ್ದವರ ಮೇಲೆ ದಾಳಿ ನಡೆಸಿದರು. ಜಯಂತಿ ನಗರದ ಮಂಜು ಸುರೇಶ ಸಿದ್ದಪ್ಪನವರ್ (23), ಅದೇ ಊರಿನ ಮಹೇಶ ಲಕ್ಷ್ಮಣ ಜಂಗಳಿ (22), ಈರಣ್ಣ ದ್ಯಾಮಣ್ಣ ನಾಯಕ (21), ಮುತ್ತು ಲಕ್ಷ್ಮಣ ಜಂಗಳಿ (19) ಹಾಗೂ ಶಿಗ್ಗಾವಿಯ ರವಿ ಶಿವಪ್ಪ ವಾಲೇಕರ್ (30) ಸಿಕ್ಕಿ ಬಿದ್ದರು.

ಈ ಎಲ್ಲರೂ ಸೇರಿ 2590 ರೂ ಹಣವನ್ನು ಹರಡಿಕೊಂಡು ಅಂದರ್ ಬಾಹರ್ ಆಟ ಆಡುತ್ತಿದ್ದರು. ಆರೋಪಿತರು ಈ ಆಟಕ್ಕೆ ಬಳಸಿದ್ದ ಸಾಮಗ್ರಿಗಳ ಜೊತೆ ಎಲ್ಲರನ್ನು ಪೊಲೀಸರು ವಶಕ್ಕೆ ಪಡೆದರು. ನಿನ್ನೆಯಷ್ಟೇ ಇದೇ ಭಾಗದಲ್ಲಿ ಇಸ್ಪಿಟ್ ಆಡುತ್ತಿದ್ದ 12 ಜನರನ್ನು ಪೊಲೀಸರು ವಶಕ್ಕೆ ಪಡೆದಿದ್ದರು. ಅದಾಗಿಯೂ ಈ ಚಾಲಕರು ಹೆದರದೇ ರಸ್ತೆ ಮೇಲೆ ಕುಳಿತು ಇಸ್ಪಿಟ್ ಆಡುತ್ತಿದ್ದರು.