ಉತ್ತರ ಕನ್ನಡ ಜಿಲ್ಲಾಧಿಕಾರಿ ಕಚೇರಿಯ 2ನೇ ಮಹಡಿಯಲ್ಲಿ ಸಂಸದ ವಿಶ್ವೇಶ್ವರ ಹೆಗಡೆ ಕಾಗೇರಿಯವರ ಕಚೇರಿ ತೆರೆಯಲಾಗಿದೆ. ಮಂಗಳವಾರ ಈ ಕಚೇರಿಗೆ ಅವರು ಪ್ರವೇಶಿಸಿದರು.
ಕಳೆದ ನಾಲ್ಕು ವರ್ಷಗಳಿಂದ ಸಂಸದರ ಕಚೇರಿ ಬಾಗಿಲು ತೆರೆದಿರಲಿಲ್ಲ. ವಿಶ್ವೇಶ್ವರ ಹೆಗಡೆ ಕಾಗೇರಿ ಸಂಸದರಾದ ನಂತರ ಕಚೇರಿಯ ನವಿಕರಣ ಕಾರ್ಯ ನಡೆದಿದ್ದು, ಮಂಗಳವಾರ ಕಚೇರಿಯ ಉದ್ಘಾಟನೆ ನಡೆಯಿತು. ಮಂಗಳವಾರ ಬೆಳಗ್ಗೆ ವಿವಿಧ ಧಾರ್ಮಿಕ ಕಾರ್ಯಕ್ರಮಗಳು ಕಚೇರಿಯಲ್ಲಿ ನಡೆದಿದ್ದು, ಇದರಲ್ಲಿ ವಿಶ್ವೇಶ್ವರ ಹೆಗಡೆ ಕಾಗೇರಿ ಭಾಗಿಯಾಗದರು.
`ಸರ್ಕಾರ ಹಾಗೂ ಸಾರ್ವಜನಿಕರ ಸಂಪರ್ಕ ಕೊಂಡಿಯಾಗಿ ಈ ಕಚೇರಿ ಕೆಲಸ ನಿರ್ವಹಿಸಲಿದೆ. ಸಮಸ್ಯೆಗಳ ಬಗ್ಗೆ ಜನರು ಈ ಕಚೇರಿ ಮೂಲಕವೂ ತಮ್ಮ ಗಮನಕ್ಕೆ ತರಬಹುದು’ ಎಂದು ಈ ವೇಳೆ ವಿಶ್ವೇಶ್ವರ ಹೆಗಡೆ ಕಾಗೇರಿ ಹೇಳಿದರು. `ಕಚೇರಿ ಇರುವ ಪೂರ್ವದಲ್ಲಿಯೂ ನಮ್ಮ ಆಪ್ತ ಸಹಾಯಕರು ಜನರ ಅಹವಾಲುಗಳನ್ನು ಪಡೆದು ನಮಗೆ ರವಾನಿಸುತ್ತಿದ್ದರು. ಪ್ರಸ್ತುತ ಸಭೆ-ಜನರ ಸಮಸ್ಯೆ ಆಲಿಸಲು ಈ ಕಚೇರಿ ಸಹಾಯಕವಾಗಲಿದೆ’ ಎಂದರು.
ಶಿರಸಿಯಲ್ಲಿ ಸಹ ವಿಶ್ವೇಶ್ವರ ಹೆಗಡೆ ಕಾಗೇರಿ ಅವರು ಕಚೇರಿಯನ್ನು ಹೊಂದಿದ್ದಾರೆ. ಸಂಸದರ ಕಚೇರಿಯಲ್ಲಿರುವ ಆಪ್ತ ಸಹಾಯಕರ ಫೋನ್ ನಂ: 9448797234
ಕಚೇರಿ ಉದ್ಘಾಟನೆ ನಂತರ ಸಂಸದ ವಿಶ್ವೇಶ್ವರ ಹೆಗಡೆ ಹೇಳಿದ್ದೇನು? ವಿಡಿಯೋ ಇಲ್ಲಿ ನೋಡಿ..
