ಮದ್ಯ ಮಾರಾಟವೇ ಆಕೆಯ ಕಾಯಕ!

ಕಾರವಾರದ ಚಿತ್ತಾಕುಲದ ಬಳಿ ಮದ್ಯ ಮಾರಾಟ ಮಾಡುತ್ತಿದ್ದ ಮಹಿಳೆ ವಿರುದ್ಧ ಪೊಲೀಸರು ಕ್ರಮ ಜರುಗಿಸಿದ್ದಾರೆ. ಪರವಾನಿಗೆ ಪಡೆಯದೇ ಮದ್ಯ ಸರಬರಾಜು ಮಾಡಿದ ಕಾರಣ ರುಕ್ಮಾ ಹರಿಕಂತ್ರ ಎಂಬಾತರ ವಿರುದ್ಧ ಪ್ರಕರಣವನ್ನು ದಾಖಲಿಸಿದ್ದಾರೆ.

ಚಿತ್ತಾಕುಲದ ಸೀಬರ್ಡ ಕಾಲೋನಿಯ ಮನೆಯಲ್ಲಿ ರುಕ್ಮಾ ಹರಿಕಂತ್ರ ಅವರು ಮದ್ಯ ದಾಸ್ತಾನು ಮಾಡಿದ್ದರು. ಆ ಮದ್ಯವನ್ನು ಮನೆ ಮುಂದೆ ಮಾರಾಟ ಮಾಡಿ, ಹಣಗಳಿಸುತ್ತಿದ್ದರು.

Advertisement. Scroll to continue reading.

ರುಕ್ಮಾ ಹರಿಕಂತ್ರರ ವಿರುದ್ಧ ವ್ಯಕ್ತಿಯೊಬ್ಬರು ಚಿತ್ತಾಕುಲ ಪೊಲೀಸ್ ಠಾಣೆಗೆ ದೂರು ನೀಡಿದರು. ತಮ್ಮ ವ್ಯಾಪ್ತಿಯಲ್ಲಿ ಅಕ್ರಮ ಮದ್ಯ ಮಾರಾಟವಾಗುತ್ತಿರುವುದರ ಬಗ್ಗೆ ದೂರು ಆಲಿಸಿದ ಪಿಎಸ್‌ಐ ನರಸಿಂಹಲು ದಾಳಿ ನಡೆಸಿದರು.

Advertisement. Scroll to continue reading.

ಮಾರ್ಚ 16ರ ಸಂಜೆ ಪೊಲೀಸ್ ಸಿಬ್ಬಂದಿ ಜೊತೆ ಅಲ್ಲಿ ತೆರಳಿದ ನರಸಿಂಹಲು ಅವರಿಗೆ ಮದ್ಯ ಮಾರಾಟ ನಡೆದಿರುವುದು ಖಚಿತವಾಯಿತು.
ಅಲ್ಲಿದ್ದ ಮದ್ಯ ಹಾಗೂ ಇನ್ನಿತರ ಸಾಮಗ್ರಿಗಳನ್ನು ವಶಕ್ಕೆಪಡೆದು ಪೊಲೀಸ್ ಪ್ರಕರಣ ದಾಖಲಿಸಿದರು.