Kiran Reporter Haveri
ಹೊನ್ನಾವರ: ರಾತ್ರಿ ವೇಳೆ ಜಗಳಕ್ಕೆ ಬಂದ ಶ್ರೀಧರ ಮಂಜು ಗೌಡರಿಗೆ `ಬೆಳಗ್ಗೆ ಮಾತನೋಡೋಣ’ ಎಂದು ಸಮಾಧಾನ ಮಾಡಲು ಹೋಗಿದ್ದ ಮಾದೇವಿ ಗೌಡ ತಮ್ಮ ಕೈ ಮುರಿದುಕೊಂಡಿದ್ದಾರೆ.
ಮೇಲಿನ ಇಡಗುಂಜಿ ಖಾರ್ವಾ ಬಳಿಯ ನಾತಗೇರಿ ಕುಳಿಮನೆಯ ಶ್ರೀಧರ ಗೌಡ ದೊಣ್ಣೆಯಿಂದ ಹೊಡೆದು ಮಾದೇವಿ ಗೌಡರ ಕೈ ಮುರಿದಿದ್ದಾನೆ. ನ 12ರಂದು ರಾತ್ರಿ 1 ಗಂಟೆ ವೇಳೆಗೆ ಮಾದೇವಿ ಗೌಡರ ಅಳಿಯ ದೇವ ಗೌಡರ ಬಳಿ ಶ್ರೀಧರ ಗೌಡ ಜಗಳ ತೆಗೆದಿದ್ದ. ಆಗ, ಜಗಳ ಬಿಡಿಸಲು ಮಾದೇವಿ ಗೌಡ ಹಾಗೂ ಅವರ ಪುತ್ರಿ ಮಂಗಲಾ ದೇವ ಗೌಡ ಬಂದಿದ್ದರು. ಆಗ, ಮಾದೇವಿ ಗೌಡ `ನಾಳೆ ಬೆಳಗ್ಗೆ ಮಾತನಾಡೋಣ. ರಾತ್ರಿ ಜಗಳ ಬೇಡ’ ಎಂದಿದ್ದರು.
ಇದರಿoದ ಸಿಟ್ಟಾದ ಶ್ರೀಧರ ಗೌಡ ಅಲ್ಲಿದ್ದ ದೊಣ್ಣೆಯಿಂದ ಮಾದೇವಿ ಅವರ ಬಲಗೈಗೆ ಹೊಡೆದು, ಆ ಕೈ ಮುರಿದಿದ್ದಾನೆ. ಈ ವೇಳೆ ಮಂಗಲಾ ಗೌಡ 112ಗೆ ಕರೆ ಮಾಡಿ ಪೊಲೀಸರನ್ನು ಕರೆಯಿಸುವುದನ್ನು ನೋಡಿ ಅವರ ಕಡೆಯೂ ದೊಣ್ಣೆ ಬೀಸಿದ್ದಾನೆ. ಹೀಗಾಗಿ ಮಂಜು ಗೌಡರ ವಿರುದ್ಧ ಪೊಲೀಸ್ ದೂರು ದಾಖಲಾಗಿದೆ.
