Kiran Reporter Haveri
ಶಿರಸಿ: ಬಂಡಲದಲ್ಲಿ ಹೊಟೇಲ್ ನಡೆಸುತ್ತಿದ್ದ ರವಿ ನಾಯ್ಕ ಮೇಲೆ ಪೊಲೀಸರು ದಾಳಿ ನಡೆಸಿದ್ದಾರೆ. ಪೊಲೀಸ್ ಉಪನಿರೀಕ್ಷಕ ಪ್ರಕಾಶ ಪಚ್ಚಗೋಳ್ ಅವರು ಹೊಟೇಲಿನ ಪಕ್ಕ ಪರಿಶೀಲಿಸಿದಾಗ ರಾಶಿ ರಾಶಿ ಖಾಲಿ ಸರಾಯಿ ಪ್ಯಾಕೇಟ್ ಕಾಣಿಸಿದೆ.
ಅಲ್ಲಿದ್ದ ಎರಡು ಬಗೆಯ 10 ಪ್ಯಾಕೇಟ್ ಮದ್ಯವನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ರವಿ ಗಣಪತಿ ನಾಯ್ಕ (50) ಮೊದಲಿನಿಂದಲೂ ಹೊಟೇಲ್ ವ್ಯಾಪಾರ ನಡೆಸಿಕೊಂಡಿದ್ದು, ತಮ್ಮ ಹೊಟೇಲ್ ಪಕ್ಕ ಮದ್ಯ ಸೇವನೆಗೆ ಅವಕಾಶ ಮಾಡಿಕೊಡುತ್ತಿದ್ದರು. ಆದರೆ, ಇದಕ್ಕಾಗಿ ಪ್ರತ್ಯೇಕ ಅನುಮತಿ ಪಡೆದಿರಲಿಲ್ಲ.
ಸಾರ್ವಜನಿಕ ಸ್ಥಳದಲ್ಲಿ ಅನಧಿಕೃತವಾಗಿ ಮದ್ಯ ಸೇವನೆಗೆ ಅವಕಾಶ ಮಾಡಿಕೊಟ್ಟ ಕಾರಣ ಪೊಲೀಸರು ದಾಳಿ ಮಾಡಿದರು. ಸರಾಯಿ ಕುಡಿಯಲು ಉಪಯೋಗಿಸಿದ್ದ ಲೋಟದ ಜೊತೆ ಅಕ್ರಮ ಸರಾಯಿ ಮಾರಾಟದಿಂದ ಸಿಕ್ಕಿದ 280ರೂ ಹಣವನ್ನು ಪೊಲೀಸರು ವಶಕ್ಕೆ ಪಡೆದರು.,
