ಕೃತಕ ಬುದ್ದಿಮತ್ತೆ ಸಂಶೋಧನೆ: ದಂಪತಿಗೆ ಒಲಿದ ಪುರಸ್ಕಾರ

ಭಟ್ಕಳ: ಡಾ ಸಚಿನ್ ಭಟ್ಟ ಹಾಗೂ ಪ್ರೊ ಅಲಕಾ ಅನಂತ್ ದಂಪತಿಗೆ ಕರ್ನಾಟಕ ಸರ್ಕಾರದ `ತಳಹಂತದ ನಾವೀನ್ಯತಾ ಪುರಸ್ಕಾರ’ ದೊರೆತಿದೆ.
ಸುಸ್ಥಿರ ಅಭಿವೃದ್ಧಿ ಹಾಗೂ ತಳ ಮತ್ತು ಗ್ರಾಮೀಣ ಹಂತದ ಜನರಿಗೆ ನೆರವಾಗುವ ತಂತ್ರಜ್ಞಾನದ ಅಭಿವೃದ್ಧಿಯನ್ನು ಪ್ರೋತ್ಸಾಹಿಸಲು ರಾಜ್ಯ ಸರ್ಕಾರ ಈ ವರ್ಷದಿಂದ ಈ ಪುರಸ್ಕಾರ ನೀಡಲು ಶುರುಮಾಡಿದೆ. ಡಾ ಸಚಿನ್ ಭಟ್ಟ ತಮ್ಮ ಪತ್ನಿ ಅಲಕಾ ಅನಂತ್ ಜೊತೆ ಸೇರಿ ಕುಮಟಾದಲ್ಲಿ `ಅಲರ್’ ಎಂಬ ಸ್ಟಾರ್ಟಪ್‌ನ್ನು ಪ್ರಾರಂಭಿಸಿದ್ದು, ಈ ಸ್ಟಾರ್ಟಅಪ್‌ನ ಮೂಲಕ ನಡೆದ ಎರಡು ಸಂಶೋಧನೆಗಳಿಗೆ ರಾಜ್ಯ ಸರಕಾರದಿಂದ ಪುರಸ್ಕಾರ ಲಭಿಸಿದೆ.
ಶಸ್ತ್ರಚಿಕಿತ್ಸೆಯಲ್ಲಿ ಶುಶ್ರೂಕರಿಗೆ ನೆರವಾಗುವ ತಂತ್ರಜ್ಞಾನ ಹಾಗೂ ಕಟ್ಟಡ ನಿರ್ಮಾಣದಲ್ಲಿ ಮಣ್ಣಿನ ಧಾರಣಾ ಸಾಮರ್ಥ್ಯವನ್ನು ಅಳೆಯುವ ಉಪಕರಣವನ್ನು ಅವರು ಕಂಡುಹಿಡಿದಿದ್ದಾರೆ. ಡಾ. ಸಚೀನ್ ಕೃತಕ ಬುದ್ಧಿಮತ್ತೆಯ ಸಂಶೋಧಕರಾಗಿದ್ದಾರೆ.