Kiran Reporter Haveri
ಕಳೆದ ವಾರ ಸಿಗರೇಟಿನ ಸೀಸದಲ್ಲಿ ಗಾಂಜಾ ಸೇದುತ್ತಿದ್ದ ಇಬ್ಬರನ್ನು ಸೆರೆ ಹಿಡಿದಿದ್ದ ಪೊಲೀಸರು ಇದೀಗ ಮತ್ತೆ ಇಬ್ಬರನ್ನು ಅಂಥಹುದೇ ಪ್ರಕರಣದಲ್ಲಿ ವಶಕ್ಕೆ ಪಡೆದಿದ್ದಾರೆ. ಬಂಧಿತ ಇಬ್ಬರು ಸಹ 25 ವರ್ಷ ಒಳಗಿನವರು.
ದಾಂಡೇಲಿ ನಿರ್ಮಲ ನಗರದ ಶಂಕರ್ ಸದಾಶಿವ ಅರ್ಕಸಾಲಿ (24) ಎಂಬಾತ ಜುಲೈ 17ರ ಸಂಜೆ ಹಸನ್ಮಾಳ ತಿರುವಿನಲ್ಲಿ ಗಾಂಜಾ ನಶೆಯಲ್ಲಿರುವಾಗ ದಾಂಡೇಲಿ ಗ್ರಾಮೀಣ ಪೊಲೀಸ್ ಠಾಣೆ ಪಿಸೈ ಜಗದೀಶ್ ಆತನನ್ನು ವಶಕ್ಕೆ ಪಡೆದಿದ್ದಾರೆ. ಅದೇ ದಿನ ರಾತ್ರಿ ಹಸನ್ಮಾಳದ ನರ್ಸಿಂಗ್ ಕಾಲೇಜು ಬಳಿ ಸತೀಶ್ ಮಾರುತಿ ಕಾಂಬ್ಳೆ (20) ಎಂಬಾತ ಸಹ ಸಿಕ್ಕಿಬಿದ್ದಿದ್ದು, ಆತನ ಬಳಿ ಸಹ ಗಾಂಜಾ ದೊರೆತಿದೆ.
ಪೊಲೀಸರು ಈ ಇಬ್ಬರಿಂದಲೂ `ಗೋಲ್ಡ್ ಪ್ಯಾಕ್’ ಹೆಸರಿನ ಸಿಗರೇಟಿನ ಪ್ಯಾಕ್ ವಶಕ್ಕೆ ಪಡೆದಿದ್ದು, ಅರ್ದ ಸೇದಿದ ಸಿಗರೇಟಿನ ಒಳಗೆ ಗಾಂಜಾ ಪುಡಿಗಳು ಕಾಣಿಸಿವೆ. ಈ ಇಬ್ಬರನ್ನು ವೈದ್ಯಕೀಯ ಪರೀಕ್ಷೆಗೆ ಒಳಪಡಿಸಿದಾಗ ಗಾಂಜಾ ಸೇವನೆ ದೃಢಪಟ್ಟಿದೆ.
