ಕಾರವಾರ: ಕಾಡು ದಾರಿಯಲ್ಲಿ ಸರಾಯಿ ಸಾಗಿಸುತ್ತಿದ್ದ ಸಂತೋಷ ನಾಯ್ಕ ಎಂಬಾತನನ್ನು ಪೊಲೀಸರು ಹಿಡಿದಿದ್ದಾರೆ.
ಹೊಸಾಳಿ ಮೂಡಗೇರಿಯ ಮಹಾದೇವಸ್ಥಾನ ಬಳಿಯ ಸಂತೋಷ ಅಶೋಕ ನಾಯ್ಕ ಎಂಬಾತ ಗೋವಾ ರಾಜ್ಯದಿಂದ ಅಕ್ರಮ ಸರಾಯಿಯನ್ನು ಕರ್ನಾಟಕಕ್ಕೆ ಸಾಗಿಸುತ್ತಿದ್ದ. ಮುಖ್ಯ ರಸ್ತೆಯಲ್ಲಿ ತಪಾಸಣಾ ಕೇಂದ್ರ ಇರುವ ಕಾರಣಕ್ಕೆ ಆತ ಕಾಡು ದಾರಿಯನ್ನು ಬಳಸುತ್ತಿದ್ದ. ಸೆ 29ರಂದು ಈತ 8400ರೂ ಮೌಲ್ಯದ ಗೋವಾ ಸರಾಯಿಯನ್ನು ಚೀಲದಲ್ಲಿ ತುಂಬಿಕೊoಡು ತಲೆ ಮೇಲೆ ಹೊತ್ತು ಸಾಗಿಸುತ್ತಿದ್ದಾಗ ಆತ ಸಿಕ್ಕಿ ಬಿದ್ದಿದ್ದಾನೆ.
ಮೂಡಗೇರಿ ಅರಣ್ಯ ಪ್ರದೇಶದಲ್ಲಿ ಅವಿತಿದ್ದ ಪೊಲೀಸರು ಈತ ಬರುತ್ತಿರುವುದನ್ನು ಗಮನಿಸಿ ದಾಳಿ ನಡೆಸಿದರು. ಆ ಮೂಲಕ ಅಕ್ರಮವಾಗಿ ಮಾರಾಟವಾಗುತ್ತಿದ್ದ ಗೋವಾ ಮದ್ಯದ ಮಾರಾಟವನ್ನು ತಡೆದರು.
