6

ಶ್ರೀಕುಮಾರ: ತಪ್ಪು ಮಾಡದಿದ್ದರೂ ಕಲ್ಲಿನ ಏಟು!

ಶಿರಸಿಯಿಂದ ಬೆಂಗಳೂರಿಗೆ ತೆರಳುತ್ತಿದ್ದ ಶ್ರೀಕುಮಾರ ಬಸ್ಸಿಗೆ ಕಿಡಿಗೇಡಿಗಳು ಕಲ್ಲು ಹೊಡೆದಿದ್ದಾರೆ. ಹೀಗಾಗಿ ಬಸ್ಸಿನಲ್ಲಿದ್ದ ಬೆಂಗಳೂರು ಪ್ರಯಾಣಿಕರು ಅರ್ದ ದಾರಿಯಲ್ಲಿಯೇ ತೊಂದರೆ ಅನುಭವಿಸಿದರು.

ಶುಕ್ರವಾರ ರಾತ್ರಿ ಶಿರಸಿಯಿಂದ ಹೊರಟ ಬಸ್ಸಿಗೆ ಅಕ್ಕಿ ಆಲೂರಿನ ಬಳಿ ಕಿಡಿಗೇಡಿಗಳು ದಾಳಿ ನಡೆಸಿದ್ದಾರೆ. ಪರಿಣಾಮ ಬಸ್ಸಿನ ಗಾಜು ಪುಡಿಪುಡಿಯಾಗಿದೆ. ಕಿಟಕಿ ಪಕ್ಕದ ಗಾಜು ಒಡೆದಿದ್ದರಿಂದ ಬಸ್ಸಿನ ಒಳಭಾಗ ಗಾಜಿನ ಪುಡಿ ಬಿದ್ದಿದ್ದು, ಇದರಿಂದ ಪ್ರಯಾಣಿಕರು ಕಂಗಾಲಾದರು. ಬಸ್ಸಿನ ಸಿಬ್ಬಂದಿ ಕಿಡಿಗೇಡಿಗಳ ಪತ್ತೆಗೆ ತಕ್ಷಣ ಪೊಲೀಸ್ ಠಾಣೆಗೆ ಮಾಹಿತಿ ನೀಡಿದರು.

ಈ ಬಸ್ಸಿನಲ್ಲಿ 30 ಜನ ಪ್ರಯಾಣಿಕರಿದ್ದರು. ರಭಸವಾಗಿ ಬಂದ ಕಲ್ಲು ಕಿಟಕಿಗೆ ತಾಗಿದ್ದರಿಂದ ಯಾರಿಗೂ ಆಪತ್ತು ಆಗಲಿಲ್ಲ. ಈ ಹಿಂದೆ ಸಹ ಈ ಭಾಗದಲ್ಲಿ ಅನೇಕ ಬಸ್ಸುಗಳಿಗೆ ಕಿಡಿಗೇಡಿಗಳು ಕಲ್ಲು ಹೊಡೆದು ವಿಕೃತಿ ಮೆರೆದಿದ್ದರು. ಆರು ತಿಂಗಳ ಹಿಂದೆಯೂ ಬಸ್ಸಿಗೆ ಕಲ್ಲು ತಾಗಿತ್ತು. ಸದ್ಯ ಶ್ರೀಕುಮಾರ ಬಸ್ಸಿಗೆ ಕಲ್ಲು ಹೊಡೆದ ವಿಷಯ ತಿಳಿದ ಪೊಲೀಸರು ರಾತ್ರಿ ವೇಳೆ ಗಸ್ತು ತಿರುಗುವುದಾಗಿ ಭರವಸೆ ನೀಡಿದ್ದಾರೆ.

`ಬಸ್ಸಿಗೆ ಕಲ್ಲು ಹೊಡೆದವರು ಯಾರು ಎಂದು ಗೊತ್ತಾಗಿಲ್ಲ. ಬಸ್ಸಿನ ಒಳಗೆ ಬಿದ್ದ ಗಾಜುಗಳನ್ನು ಸ್ವಚ್ಛಗೊಳಿಸಿ ಪ್ರಯಾಣಿಕರನ್ನು ಸುರಕ್ಷಿತವಾಗಿ ಬೆಂಗಳೂರಿಗೆ ಬಿಡಲಾಗಿದೆ’ ಎಂದು ಶ್ರೀಕುಮಾರ ಬಸ್ ಮುಖ್ಯಸ್ಥ ಪುಟ್ಟ ಹೆಗಡೆ ಅವರು ಪ್ರತಿಕ್ರಿಯಿಸಿದರು.

  • Related Posts

    ಮಗಳ ಮದುವೆಗೆ ಪ್ರಧಾನಿ ಮೋದಿಗೆ ಆಹ್ವಾನ!

    Share this… Facebook Pinterest Twitter Linkedin Whatsappಪ್ರಧಾನಿ ನರೇಂದ್ರ ಮೋದಿ ಅವರನ್ನು ಭೇಟಿಯಾಗಿ ಮಗಳ ವಿವಾಹಕ್ಕೆ ಆಹ್ವಾನಿಸಿದ ಸಂಸದ ಬಸವರಾಜ ಬೊಮ್ಮಾಯಿ ನವದೆಹಲಿ: ಮಾಜಿ ಮುಖ್ಯಮಂತ್ರಿ ಹಾಗೂ ಹಾವೇರಿ-ಗದಗ ಲೋಕಸಭಾ ಕ್ಷೇತ್ರದ ಸಂಸದ ಬಸವರಾಜ ಬೊಮ್ಮಾಯಿ ಅವರು ಇಂದು ನವದೆಹಲಿಯಲ್ಲಿ…

    ಹಾವೇರಿಯಲ್ಲಿ ಕಬ್ಬು ಬೆಳೆಗಾರರ ಸಭೆ ರದ್ದು !!

    Share this… Facebook Pinterest Twitter Linkedin Whatsappಹಾವೇರಿ: ಇಂದು ನಡೆಯಬೇಕಿದ್ದ ಕಬ್ಬು ಬೆಳೆಗಾರರ ಸಭೆ ರದ್ದು; ರೈತರು ಸಭೆಗೆ ಬರುವುದು ಬೇಡ – ರೈತ ಸಂಘದ ಮನವಿ ಕರ‍್ಖಾನೆ ಮಾಲೀಕರು ಸಭೆಗೆ ಗೈರಾಗುವ ಮಾಹಿತಿ ಹಿನ್ನೆಲೆ; ರೈತ ಸಂಘದ ರಾಜ್ಯಾಧ್ಯಕ್ಷ…

    You cannot copy content of this page