ಒಂದು ತಿಂಗಳ ಜೀವನ್ಮರಣ ಹೋರಾಟ: ಕೊನೆಗೂ ಗೆದ್ದಿದ್ದು ಸಾವು!

ಹೊನ್ನಾವರ: ಒಂದು ತಿಂಗಳ ಹಿಂದೆ ಖರ್ವಾದ ಧನ್ವಂತರಿ ಕ್ರಾಸಿನಲ್ಲಿ ನಡೆದ ಅಪಘಾತದಲ್ಲಿ ಗಾಯಗೊಂಡಿದ್ದ ವಿಶ್ವನಾಥ ಮಾರುತಿ ಆಚಾರಿ ಸಾವನಪ್ಪಿದ್ದಾರೆ. ಒಂದು ತಿಂಗಳ ಕಾಲ ಆಸ್ಪತ್ರೆಯಲ್ಲಿ ಆರೈಕೆ ಮಾಡಿದರೂ ಅದು ಪ್ರಯೋಜನಕ್ಕೆ ಬರಲಿಲ್ಲ.

Advertisement. Scroll to continue reading.

ಕರ್ಕಿ ಜಲವಳ್ಳಿಯ ಜಟಕನಹಿತ್ಲದ ವಿಶ್ವನಾಥ ಆಚಾರಿ ಮರದ ಕೆಲಸ ಮಾಡಿ ಬದುಕು ಕಟ್ಟಿಕೊಂಡಿದ್ದರು. ಸೆ 11ರ ಮಧ್ಯಾಹ್ನ ಜಲವಳ್ಳಿಯ ದೇವರಾಜ ನಾಯ್ಕರನ್ನು ಬೈಕಿನಲ್ಲಿ ಕೂರಿಸಿಕೊಂಡು ಹೊರಟಿದ್ದರು. ದನ ಅಡ್ಡಬಂದ ಕಾರಣ ಬೈಕಿನಿಂದ ನೆಲಕ್ಕೆ ಅಪ್ಪಳಿಸಿದ ವಿಶ್ವನಾಥ ಆಚಾರಿ ಗಂಭೀರ ಗಾಯಗೊಂಡಿದ್ದರು. ಹಿಂಬದಿ ಸವಾರ ದೇವರಾಜ ನಾಯ್ಕರಿಗೆ ಸಹ ಗಾಯವಾಗಿತ್ತು.

ಗಂಭೀರ ಗಾಯಗೊಂಡ ವಿಶ್ವನಾಥ ಆಚಾರಿ ಅವರನ್ನು ಮಣಿಪಾಲ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ನಂತರ ಹೊನ್ನಾವರ ಆಸ್ಪತ್ರೆಗೆ ಕರೆತರಲಾಗಿತ್ತು. ಆದರೆ, ಅಕ್ಟೊಬರ್ 7ರ ರಾತ್ರಿ ಅವರು ಸಾವನಪ್ಪಿದರು.