ಹೃದಯ ಸಮಸ್ಯೆ: ಕುಸಿದು ಬಿದ್ದ ಆಚಾರಿ ಸಾವು

ಶಿರಸಿ: ಗೋಳಿಯ ಶ್ರೀಧರ ಶಿವರಾಮ ಹೆಗಡೆ ಅವರ ಮನೆಯಲ್ಲಿನ ಮರದ ಕೆಲಸಕ್ಕೆ ತೆರಳಿದ್ದ ವಿಜಯ ಮಹಾದೇವ ಆಚಾರಿ (56) ಹೃದಯ ಸಮಸ್ಯೆಯಿಂದ ಕುಸಿದು ಬಿದ್ದು ಸಾವನಪ್ಪಿದ್ದಾರೆ.

Advertisement. Scroll to continue reading.

ADVERTISEMENT

ಕುಮಟಾ ತಾಲೂಕಿನ ಕಡ್ಲೆಯವರಾಗಿದ್ದ ವಿಜಯ ಆಚಾರಿ ಗೋಳಿಯಲ್ಲಿ ವಾಸವಾಗಿದ್ದರು. ಒಂದು ವರ್ಷದಿಂದ ಅವರು ಹೃದಯ ರೋಗದಿಂದ ಬಳಲುತ್ತಿದ್ದರು. ಅಕ್ಟೊಬರ್ 6ರಂದು ಅವರು ಶ್ರೀಧರ ಹೆಗಡೆ ಅವರ ಮನೆಗೆ ಹೋಗಿದ್ದರು. ಕೆಲಸ ಮಾಡುತ್ತಿರುವಾಗ ಕುಸಿದು ಬಿದ್ದ ಕಾರಣ ತಕ್ಷಣ ಅವರನ್ನು ಅಮಿನಳ್ಳಿಯ ಆರೋಗ್ಯ ಕೇಂದ್ರಕ್ಕೆ ಸಾಗಿಸಲಾಯಿತು. ಅಲ್ಲಿ ಪ್ರಾಥಮಿಕ ಚಿಕಿತ್ಸೆ ಕೊಡಿಸಿ ನಂತರ ಟಿಎಸ್‌ಎಸ್ ಆಸ್ಪತ್ರೆಗೆ ದಾಖಲಿಸಲಾಯಿತು.

Advertisement. Scroll to continue reading.

ಅಲ್ಲಿನ ವೈದ್ಯರು ಇನ್ನೂ ಹೆಚ್ಚಿನ ಚಿಕಿತ್ಸೆಗೆ ಮಂಗಳೂರಿಗೆ ಕರೆದೊಯ್ಯುವಂತೆ ಸೂಚಿಸಿದ್ದು, ಕೆ ಎಸ್ ಹೆಗಡೆ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಫಲಕಾರಿಯಾಗದೇ ಅವರು ಕೊನೆ ಉಸಿರೆಳೆದರು.