ಬೈಕಿನ ಮೇಲೆ ಬಿದ್ದ ಮರದ ನಾಟಾ

ಮುಂಡಗೋಡು: ನಾಟಾ ತುಂಬಿದ ಲಾರಿಯಿಂದ ಮರದ ತುಂಡುಗಳು ಉದುರಿ ಬಿದ್ದಿದ್ದರಿಂದ ಎರಡು ಬೈಕಿನ ಸವಾರರು ಗಾಯಗೊಂಡಿದ್ದಾರೆ.

ಸಿoಗನಳ್ಳಿ ಗ್ರಾಮ ಬಳಿ ಚಲಿಸುತ್ತಿದ್ದ ಜಲಾವು ತುಂಬಿದ ಲಾರಿಯ ಹಗ್ಗ ಬಿಚ್ಚಿದೆ. ಜಲಾಶಯದ ಸನಿಹದಲ್ಲಿ ಈ ಅವಾಂತರ ನಡೆದಿದೆ. ಪರಿಣಾಮ ಅದೇ ರಸ್ತೆಯಲ್ಲಿ ಸಂಚರಿಸುತ್ತಿದ್ದ ಬೈಕ್ ಸವಾರರ ಮೇಲೆ ಮರದ ನಾಟ ಬಿದ್ದಿದೆ.

Advertisement. Scroll to continue reading.

ಬೈಕ್ ಪೂರ್ಣ ಪ್ರಮಾಣದಲ್ಲಿ ಜಖಂ ಆಗಿದ್ದು, ಗಾಯಗೊಂಡವರನ್ನು ಸ್ಥಳೀಯರು ಆಸ್ಪತ್ರೆಗೆ ಸಾಗಿಸಿದ್ದಾರೆ. ಈ ಅಪಘಾತದ ಕಾರಣ ಸ್ಥಳದಲ್ಲಿ ಗೊಂದಲದ ವಾತಾವರಣ ಕಂಡು ಬಂದಿದ್ದು, ಲಾರಿ ಚಾಲಕನನ್ನು ಸ್ಥಳೀಯರು ತರಾಟೆಗೆ ತೆಗೆದುಕೊಂಡರು. ಪೊಲೀಸರು ಆಗಮಿಸಿ ಸ್ಥಳ ಪರಿಶೀಲನೆ ನಡೆಸಿದ್ದಾರೆ.