ಟೆಕ್ಕಿಯ ಬೈಕಿಗೆ ಟ್ಯಾಂಕರ್ ಡಿಕ್ಕಿ

ಭಟ್ಕಳ: ಶಿರಸಿ ಯಡಳ್ಳಿ ಅಬ್ರಿಮನೆಯ ಸಾಯಿಪ್ರಸಾದ ಹೆಗಡೆ ಅವರಿಗೆ ಗ್ಯಾಸ್ ಟ್ಯಾಂಕರ್ ಗುದ್ದಿದೆ. ಎರಡು ಕಾಲು ಹಾಗೂ ಕೈ’ಗೆ ಗಂಭೀರ ಗಾಯವಾದ ಕಾರಣ ಅವರು ಮಂಗಳೂರಿನ ಆಸ್ಪತ್ರೆಗೆ ದಾಖಲಾಗಿದ್ದಾರೆ.

ಸಾಪ್ಟವೇರ್ ಇಂಜಿನಿಯರ್ ಆಗಿರುವ ಸಾಯಿಪ್ರಸಾದ ಭಾಸ್ಕರ ಹೆಗಡೆ (22) ಅಕ್ಟೊಬರ್ 24ರಂದು ಬೈಕ್ ಮೂಲಕ ಸಂಚರಿಸುತ್ತಿದ್ದರು. ಕುಮಟಾದಿಂದ ಮಂಗಳೂರು ಕಡೆಗೆ ಅವರು ಹೋಗುತ್ತಿದ್ದಾಗ ಎದುರಿನಿಂದ ಬಂದ ಗ್ಯಾಸ್ ಟ್ಯಾಂಕರ್ ಮುಟ್ಟಳ್ಳಿ ಬೈಪಾಸ್ ಹತ್ತಿರ ಡಿಕ್ಕಿಯಾಗಿದೆ.

Advertisement. Scroll to continue reading.

ಬೈಕಿನಿಂದ ಬಿದ್ದ ಸಾಯಿಪ್ರಸಾದ ಹೆಗಡೆ ಗಾಯಗೊಂಡಿದ್ದಾರೆ. ಬೈಕ್ ಸಹ ಜಖಂ ಆಗಿದೆ. ತಕ್ಷಣ ಅವರನ್ನು ಮಂಗಳೂರಿನ ತೇಜಸ್ವಿನಿ ಆಸ್ಪತ್ರೆಗೆ ದಾಖಲು ಮಾಡಲಾಯಿತು. ಎ ಎಸ್ ಐ ಮಂಜುನಾಥ ಗೌಡರ್ ಅಲ್ಲಿಗೆ ತೆರಳಿ ಹೇಳಿಕೆ ಪಡೆದು ಅಕ್ಟೊಬರ್ 27ರಂದು ಅದನ್ನು ಭಟ್ಕಳ ನಗರ ಪೊಲೀಸ್ ಠಾಣೆಗೆ ಹಾಜರುಪಡಿಸಿದ್ದಾರೆ.

ಈ ಹಿನ್ನಲೆ ಗ್ಯಾಸ್ ಟ್ಯಾಂಕರ್ ಚಾಲಕನ ವಿರುದ್ಧ ಪ್ರಕರಣ ದಾಖಲಾಗಿದೆ. ಅಪಘಾತಕ್ಕೆ ಕಾರಣವಾದ ಗ್ಯಾಸ್ ಟ್ಯಾಂಕರ್ ಚಾಲಕನ ಹೆಸರು ಹಾಗೂ ವಿಳಾಸ ಪತ್ತೆ ಆಗಿಲ್ಲ.