ಬೆಂಗಳೂರಿಗೆ ಹೋದ ಹೊಟೇಲ್ ಹುಡುಗ: ನಂತರ ಫೋನ್ ಸ್ವಿಚ್ ಆಫ್!

ಹೊನ್ನಾವರ: ಜಲವಳ್ಳಿಯ ಪಡುಕುಳಿ ಗೌಡರಕೇರಿಯಲ್ಲಿ ಹೊಟೇಲ್ ಕೆಲಸ ಮಾಡಿಕೊಂಡಿದ್ದ ಲೋಕೇಶ ಗೌಡ ದೊಡ್ಡ ಹೊಟೇಲ್’ನಲ್ಲಿ ಕೆಲಸ ಸಿಕ್ಕಿದ ಕಾರಣ ಬೆಂಗಳೂರಿಗೆ ಹೋಗಿದ್ದು, ನಂತರ ಆತನನ್ನು ನೋಡಿದವರಿಲ್ಲ. ಲೋಕೇಶ್ ಗೌಡರ ಫೋನ್ ಸಹ ಸ್ವಿಚ್ ಆಫ್ ಆಗಿದೆ.

ಜೂನ್ 26ರಂದು ಲೋಕೇಶ ಗೌಡ ಅಕ್ಕನ ಮಗ ತಿಮ್ಮಪ್ಪ ಗೌಡರ ಜೊತೆ ಬೆಂಗಳೂರಿಗೆ ಹೋಗಿದ್ದ. ಮುಂದಿನ ಒಂದುವರೆ ತಿಂಗಳವರೆಗೂ ಆತ ಮನೆಯವರ ಜೊತೆ ಫೋನ್ ಸಂಪರ್ಕದಲ್ಲಿದ್ದ. ಆದರೆ, ಎಲ್ಲಿದ್ದೇನೆ? ಹೇಗಿದ್ದೇನೆ? ಯಾವ ಕೆಲಸ ಮಾಡುತ್ತಿದ್ದೇನೆ? ಎಂದು ಹೇಳಿರಲಿಲ್ಲ.

Advertisement. Scroll to continue reading.

ಅಗಸ್ಟ ನಂತರ ಆತ ಫೋನ್ ಮಾಡಲಿಲ್ಲ. ಮನೆಯವರು ಫೋನ್ ಮಾಡಿದರೂ ಸಂಪರ್ಕ ಸಾಧ್ಯವಾಗುತ್ತಿರಲಿಲ್ಲ. ತಿಮ್ಮಪ್ಪ ಗೌಡರನ್ನು ಪ್ರಶ್ನಿಸಿದಾಗ `ಆತ ಚಾಮರಾಜನಗರದ ಹೊಟೇಲ್ ಸೇರಿದ್ದ. ಮುಂದೆ ಎಲ್ಲಿ ಹೋದ? ಗೊತ್ತಿಲ್ಲ’ ಎಂದು ಹೇಳಿದ್ದರು.

Advertisement. Scroll to continue reading.

ಸಂಬ0ಧಿಕರು, ಸ್ನೇಹಿತರು ಸೇರಿ ಎಲ್ಲಾ ಕಡೆ ಹುಡುಕಿದರೂ ಆತ ಸಿಗದ ಕಾರಣ `ಮಗನನ್ನು ಹುಡುಕಿ ಕೊಡಿ’ ಎಂದು ವೆಂಕಟೇಶ್ ಗೌಡ ಪೊಲೀಸ್ ದೂರು ನೀಡಿದ್ದಾರೆ.