ಯಲ್ಲಾಪುರ: ಅರಬೈಲ್’ನ ಶಂಕರ್ ಸಿದ್ದಿ ಸಾವನಪ್ಪಿದ್ದಾರೆ. ಅವರ ಸಾವಿನಲ್ಲಿ ಸಂಶಯವಿರುವುದಾಗಿ ಶಂಕರ್ ಸಿದ್ದಿ ಅವರ ಪತ್ನಿ ಸರೀತಾ ಸಿದ್ದಿ ದೂರಿದ್ದಾರೆ.
ಕೂಲಿ ಕೆಲಸ ಮಾಡಿಕೊಂಡಿದ್ದ ಶಂಕರ ಸುಬ್ಬಾ ಸಿದ್ದಿ (40) ನ 16ರ ಸಂಜೆ 5.45ರ ಆಸುಪಾಸಿಗೆ ಮನೆಯಿಂದ ಹೊರ ಹೋಗಿದ್ದ. 6 ಗಂಟೆ ವೇಳೆಗೆ ಅರಬೈಲ್ ಪ್ರಕಾಶ ಮರಾಠಿ ಅವರ ಹೊಟೇಲ್ ಬಳಿ ಆತ ಮಲಗಿದ್ದ. ಅಲ್ಲಿಯೇ ಶಂಕರ್ ಸಿದ್ದಿ ಅಸ್ವಸ್ಥಗೊಂಡಿದನ್ನು ನೋಡಿದವರು ಆಸ್ಪತ್ರೆಗೆ ದಾಖಲಿಸಿದ್ದರು.
ಆಸ್ಪತ್ರೆಗೆ ಹೋಗುವಾಗ ಸರೀತಾ ಸಿದ್ದಿ ಅವರ ತಮ್ಮ ಸುಧಾಕರ ಸಿದ್ದಿ ಅವರ ಕೈಯನ್ನು ಶಂಕರ ಸಿದ್ದಿ ಗಟ್ಟಿಯಾಗಿ ಹಿಡಿದುಕೊಂಡಿದ್ದ. ಆಸ್ಪತ್ರೆಗೆ ದಾಖಲಾದ ನಂತರ ಆತನನ್ನು ಪರಿಶೀಲಿಸಿದ ವೈದ್ಯರು 6.45ಕ್ಕೆ ಶಂಕರ್ ಸಿದ್ದಿ ಸಾವನಪ್ಪಿರುವ ಬಗ್ಗೆ ಘೋಷಿಸಿದರು. ಈ ಸಾವಿನ ಬಗ್ಗೆ ಸರೀತಾ ಸಿದ್ದಿ ಅನುಮಾನ ವ್ಯಕ್ತಪಡಿಸಿದ್ದು, ಶಂಕರ್ ಸಿದ್ದಿ ಅವರ ಮಗ ಬೆಂಗಳೂರಿನಿoದ ಬಂದ ನಂತರ ಈ ಬಗ್ಗೆ ಚರ್ಚಿಸಿ ಇದೀಗ ಪೊಲೀಸ್ ದೂರು ನೀಡಿದ್ದಾರೆ.
