ಅಂಕೋಲಾ: ಬೈಕ್ ಮ್ಯೆಕಾನಿಕ್ ಮಂಜು ಹುಲಸ್ವಾರ್ ಅವರ ಬೈಕನ್ನು ಕಳ್ಳರು ಅಪಹರಿಸಿದ್ದಾರೆ.
ಅಂಬಾರಕೊಡ್ಲುವಿನ ಮಂಜು ಗುರು ಹುಲಸ್ವಾರ್ (33) ಬಾಳೆಗುಳಿ ಕ್ರಾಸಿನ ಕೃಷ್ಣಾಪುರ ಬಳಿ ವಾಸವಾಗಿದ್ದಾರೆ. ಅವರು ಹೊಂಡಾ ಕಂಪನಿಯ ಯುನಿಕೊರ್ನ ಬೈಕ್ ಹೊಂದಿದ್ದರು. ನ 15ರ ರಾತ್ರಿ 10 ಗಂಟೆಗೆ ಅವರು ಕೃಷ್ಣಾಪುರದ ರಾಮದಾಸ ಪಾಲೆಕರ ಅವರ ಮನೆ ಬಳಿ ತಮ್ಮ ಬೈಕ್ ನಿಲ್ಲಿಸಿದ್ದರು.
ಬೆಳಗ್ಗೆ 6 ಗಂಟೆಗೆ ಎದ್ದು ನೋಡಿದಾಗ ಅಲ್ಲಿ ಬೈಕ್ ಇರಲಿಲ್ಲ. ಸುತ್ತಲು ಹುಡುಕಾಟ ನಡೆಸಿದಾಗಲೂ ಬೈಕ್ ಸಿಗಲಿಲ್ಲ. ಹೀಗಾಗಿ ಅವರು ಇದೀಗ ಪೊಲೀಸ್ ದೂರು ನೀಡಿದ್ದು, `ಕಳ್ಳನ ಹುಡುಕಿ, ತನ್ನ ಬೈಕ್ ಮರಳಿಸಿ’ ಎಂದು ಅವಲತ್ತುಕೊಂಡಿದ್ದಾರೆ.
