ಶಿರಸಿ: ಕೂಲಿ ಕೆಲಸ ಮಾಡಿ ಬಂದ ಹಣದಲ್ಲಿ ಬಂಗಾರ ಮಾಡಿಸಿಕೊಂಡ ಶೇಖಪ್ಪ ಅವರ ಚಿನ್ನದ ಆಭರಣಗಳು ಕಳ್ಳರ ಪಾಲಾಗಿದೆ.
ದಾಸನಕೊಪ್ಪದ ಶೇಖಪ್ಪ ಸಾಕಣ್ಣನವರ್ ಮನೆಯಲ್ಲಿದ್ದ ಚಿನ್ನಾಭರಣಗಳನ್ನು ಕಳೆದುಕೊಂಡಿದ್ದು, ಅದನ್ನು ಹುಡುಕಿಕೊಡುವಂತೆ ಪೊಲೀಸ್ ಠಾಣೆಯ ಮೆಟ್ಟಿಲೇರಿದ್ದಾರೆ. ಗೋದ್ರೆಜ್ ಕಪಾಟಿನ ಸ್ಟೀಲ್ ಡಬ್ಬಿಯಲ್ಲಿ ಶೇಖಪ್ಪ ಅವರು ಆಭರಣಗಳನ್ನು ಇರಿಸಿದ್ದರು.
ನ 2ರಂದು ಬೆಳಗ್ಗೆ 11.30ರವರೆಗೂ ಬಂಗಾರದ ಆಭರಣಗಳು ಅವರ ಮನೆಯಲ್ಲಿದ್ದವು. ಆ ನಂತರ ಅವರು ಮನೆಯಿಂದ ಹೊರ ಹೋಗಿದ್ದು, ನ 18ರ ಸಂಜೆ 6.30ಕ್ಕೆ ಮನೆಗೆ ಮರಳಿದಾಗ ಆಭರಣಗಳು ಕಾಣೆಯಾಗಿದ್ದವು.
ಮನೆ ಹಿಂದಿನ ಬಾಗಿಲಿಗೆ ಕಟ್ಟಿದ ಹಗ್ಗ ತುಂಡರಿಸಿ ಚಿಲಕ ಒಡೆದು ಒಳ ನುಗ್ಗಿದ ಕಳ್ಳರು ಆಭರಣಗಳನ್ನು ದೋಚಿ ಪರಾರಿಯಾಗಿದ್ದಾರೆ. ಕಪಾಟಿನ ಬಾಗಿಲು ಸರಿಯಾಗಿಲ್ಲದ ಕಾರಣ 60500ರೂ ಮೌಲ್ಯದ ಚಿನ್ನ ಕಳ್ಳರ ಪಾಲಾಗಿದೆ. ದೂರು ಸ್ವೀಕರಿಸಿದ ಬನವಾಸಿ ಠಾಣಾ ಪೊಲೀಸರು ಕಳ್ಳನ ಹುಡುಕಾಟ ನಡೆಸಿದ್ದಾರೆ.
#S News Digitel Advertisement: ಸುರಕ್ಷತೆಗಾಗಿ ಸಿಸಿ ಕ್ಯಾಮರಾ ಅಳವಡಿಸಿ. ಸಿಸಿ ಕ್ಯಾಮರಾ ಅಳವಡಿಸಲು ಇಲ್ಲಿ ಫೋನ್ ಮಾಡಿ: 8431314190 (ಟೆಕ್ ಬೈಟ್ ಐಟಿ ಸೆಲ್ಯುಶನ್ ಎಜನ್ಸಿ)
