ಭಟ್ಕಳ: ಹೊಸದಾಗಿ ಬುಲೆರೋ ಖರೀದಿಸಿದ ವ್ಯಕ್ತಿಯೊಬ್ಬ ಅಡ್ಡಾದಿಡ್ಡಿಯಾಗಿ ವಾಹನ ಚಲಾಯಿಸಿದ್ದು, ಆಂಬುಲೆನ್ಸಿಗೆ ಬುಲೆರೋ ಗುದ್ದಿದ್ದಾನೆ.
ನ 19ರಂದು ಮಧ್ಯಾಹ್ನ ಶಿರಾಲಿಯಿಂದ ಭಟ್ಕಳದ ಕಡೆ ಬರುತ್ತಿದ್ದ ಬುಲೇರೋ ಆ ಭಾಗದಲ್ಲಿದ್ದ ಎಲ್ಲಾ ವಾಹನಗಳನ್ನು ಓವರ್ಟೆಕ್ ಮಾಡಿದೆ. ಅದಾದ ನಂತರ ಎದುರಿನಿಂದ ಬರುತ್ತಿದ್ದ ಆಂಬುಲೆನ್ಸಿಗೆ ಗುದ್ದಿದೆ.
ರಾಜೇಶ ಸಾಲುಂಕೆ ಎಂಬಾತರು ಈ ಬುಲೆರೋ ಓಡಿಸುತ್ತಿದ್ದರು. ಭಟ್ಕಳದಿಂದ ಕುಮಟಾ ಕಡೆ ಹೋಗುತ್ತಿದ್ದ ಆಂಬುಲೆನ್ಸಿಗೆ ಅವರು ಬುಲೆರೋ ಗುದ್ದಿದರು. ಪರಿಣಾಮ ಆಂಬುಲೆನ್ಸ ಜಖಂ ಆಗಿದೆ. ಆಂಬುಲೆನ್ಸ ಓಡಿಸುತ್ತಿದ್ದ ಕುಮಟಾ ಹಳೆಹೆರವಟ್ಟಾದ ಚಂದ್ರಹಾಸ ನಾರಾಯಣ ಗೌಡ ಗಾಯಗೊಂಡಿದ್ದಾರೆ.
ಬುಲೆರೋ ಚಾಲಕ ವರ್ತನೆಯಿಂದ ಈ ಅಪಘಾತ ನಡೆದಿದ್ದು, ಹೊಟ್ಟೆ ಹಾಗೂ ತುಟಿಗೆ ಗಾಯವಾದ ಬಗ್ಗೆ ಚಂದ್ರಹಾಸ ಗೌಡ ಪೊಲೀಸ್ ದೂರು ನೀಡಿದ್ದಾರೆ.
