ಅಂಕೋಲಾ: ಬೆಲೇಕೇರಿ ಕಡೆ ಸ್ಕೂಟರ್ ಓಡಿಸಿಕೊಂಡು ಹೋಗುತ್ತಿದ್ದ ಮೀನುಗಾರನಿಗೆ ಅಪರಿಚಿತ ಕಾರು ಗುದ್ದಿದೆ. ಪರಿಣಾಮ ಸ್ಕೂಟರ್ ಸವಾರ ರಾಘವೇಂದ್ರ ಭಾನಾವಳಿಕರ್ (38) ಗಾಯಗೊಂಡಿದ್ದಾರೆ.
ಬೆಲೇಕೇರಿಯ ಪೊಲೀಸ್ ಸ್ಟೇಶನ್ ವಾಡದ ರಾಘವೇಂದ್ರ ನಾಗಪ್ಪ ಭಾನಾವಳಿಕರ ನ 16ರ ರಾತ್ರಿ ಸ್ಕೂಟರ್ ಮೇಲೆ ಮನೆ ಕಡೆ ಹೋಗುತ್ತಿದ್ದರು. ಆಗ ವೇಗವಾಗಿ ಮುನ್ನುಗ್ಗಿ ಬಂದ ಕಾರು ಅವರ ಸ್ಕೂಟರಿಗೆ ಡಿಕ್ಕಿಯಾಯಿತು. ಇದರಿಂದ ರಾಘವೇಂದ್ರ ಭಾನಾವಳಿಕರ್ ಅವರು ಸ್ಕೂಟರ್ ಜೊತೆ ನೆಲಕ್ಕೆ ಬಿದ್ದು ಗಾಯಗೊಂಡರು.
ಅಪಘಾತದ ರಭಸಕ್ಕೆ ರಾಘವೇಂದ್ರ ಅವರ ತಲೆ ಹಾಗೂ ಕಾಲಿಗೆ ಗಂಭೀರ ಪ್ರಮಾಣದಲ್ಲಿ ಪೆಟ್ಟಾಗಿದೆ. ಚೇತರಿಸಿಕೊಳ್ಳುತ್ತಿರುವ ಅವರು ಇದೀಗ ಪೊಲೀಸ್ ದೂರು ನೀಡಿದ್ದಾರೆ.
