ಟೆಂಪೋಗೆ ಗುದ್ದಿದ ಬೈಕು: ರಕ್ತಕಾರಿದ ಹೆಸ್ಕಾಂ ನೌಕರ

ಭಟ್ಕಳ: ಮುರುಡೇಶ್ವರದಿಂದ ಬೈಲೂರಿನ ಕಡೆ ಬೈಕ್ ಓಡಿಸುತ್ತಿದ್ದ ಅಭಿಷೇಕ ನಾಯ್ಕ (22) ಅವರಿಗೆ ಅಪಘಾತವಾಗಿದೆ. ನಿಂತಿದ್ದ ಟೆಂಪೋಗೆ ಹಿಂದಿನಿoದ ಬೈಕ್ ಗುದ್ದಿ ಅವರು ಗಾಯಗೊಂಡಿದ್ದಾರೆ.

ಬೈಲೂರು ಬಳಿಯ ಕೆಳಗಿನ ಶೇರುಗಾರಕೇರಿಯ ಅಭಿಷೇಕ ನಾಯ್ಕ ಹೆಸ್ಕಾಂ’ನಲ್ಲಿ ಕೆಲಸ ಮಾಡುತ್ತಾರೆ. ನ 20ರ ಸಂಜೆ 7.25ಕ್ಕೆ ಕೆಲಸ ಮುಗಿಸಿ ಮನೆಗೆ ಮರಳುತ್ತಿರುವಾಗ ಟೆಂಪೋವೊoದು ಅವರನ್ನು ಓವರ್‌ಟೆಕ್ ಮಾಡಿದೆ. ಶಿವಾನಿ ಪೆಟ್ರೋಲ್ ಬಂಕ್ ಬಳಿ ಟೆಂಪೋ ಚಾಲಕ ಏಕಾಏಕಿ ತನ್ನ ವಾಹನ ನಿಲ್ಲಿಸಿದ್ದು, ಹಿಂದಿನಿAದ ಬರುತ್ತಿದ್ದ ಅಭಿಷೇಕ ನಾಯ್ಕ ಟೆಂಪೋಗೆ ಬೈಕ್ ಗುದ್ದಿದ್ದಾರೆ.

Advertisement. Scroll to continue reading.

ಬೈಕ್ ಗುದ್ದಿದ ರಭಸಕ್ಕೆ ಅಭಿಷೇಕ ಅವರ ಮೂಗು, ದವಡೆ ಜೊತೆ ಭುಜಕ್ಕೆ ಪೆಟ್ಟಾಗಿದೆ. ಜೊತೆಗೆ ಅವರು ರಕ್ತವನ್ನು ಕಾರಿದ್ದಾರೆ. ಈ ಅಪಘಾತಕ್ಕೆ ಟೆಂಪೋ ಚಾಲಕನಾದ ಹೊನ್ನಾವರ ಮಂಕಿ ಬಳಿಯ ರಾಮನಗರ ಕೇಶವ ನಾಯ್ಕ ಕಾರಣ ಎಂದು ಅಭಿಷೇಕರ ತಂದೆ ನಾರಾಯಣ ನಾಯ್ಕ ಪೊಲೀಸ್ ದೂರು ನೀಡಿದ್ದಾರೆ.

Advertisement. Scroll to continue reading.