ರೇಶನ್ ಅಂಗಡಿ ಕಾರ್ಮಿಕ ನಾಪತ್ತೆ

ಅಂಕೋಲಾ: ರೇಶನ್ ಅಂಗಡಿಯಲ್ಲಿ ಕೆಲಸಕ್ಕಿದ್ದ ಮೋಹನ ನಾಯ್ಕ ಕಾಣೆಯಾಗಿದ್ದಾರೆ. ಎಲ್ಲಾ ಕಡೆ ಹುಡುಕಿದರೂ ಅವರ ಸುಳಿವು ಸಿಗದ ಕಾರಣ ಮೋಹನ್ ಅವರ ಸಹೋದರ ಚುಡಾಮಣಿ ನಾಯ್ಕ ಪೊಲೀಸ್ ದೂರು ನೀಡಿದ್ದಾರೆ.

ಅಂಕೋಲಾ ಭಾವಿಕೇರಿಯ ಮೋಹನ ನಾಯ್ಕ ಅವರು ಕೇಣಿ ಗ್ರಾಮದ ರೇಶನ್ ಅಂಗಡಿಯಲ್ಲಿ ಕೆಲಸಕ್ಕಿದ್ದರು. ಡಿ 31ರ ಮಧ್ಯಾಹ್ನ ಮನೆಯಿಂದ ಹೊರ ಹೋದ ಅವರು ಸಂಜೆ 5.30ರ ಆಸುಪಾಸಿಗೆ ತಾವು ಕೆಲಸ ಮಾಡುವ ಅಂಗಡಿಯಲ್ಲಿದ್ದರು. ಅದಾದ ನಂತರ ಅಲ್ಲಿಂದಲೂ ಹೊರ ಹೋಗಿದ್ದು, ನಂತರ ಕಾಣೆಯಾಗಿದ್ದಾರೆ.

Advertisement. Scroll to continue reading.

ಎಲ್ಲಾ ಕಡೆ ಹುಡುಕಾಟ ನಡೆಸಿದರೂ ಮೋಹನ ನಾಯ್ಕ ಸಿಕ್ಕಿಲ್ಲ. ಹೀಗಾಗಿ ಅವರನ್ನು ಹುಡುಕಿಕೊಡಿ ಎಂದು ಕುಟುಂಬದವರು ಪೊಲೀಸರ ಮೊರೆ ಹೋಗಿದ್ದಾರೆ. ಪೊಲೀಸರು ಸಹ ಇದೀಗ ಮೋಹನ ನಾಯ್ಕ ಅವರ ಹುಡುಕಾಟ ನಡೆಸಿದ್ದಾರೆ.