ಡಿವೈಡರ್’ಗೆ ಗುದ್ದಿದ ಟಿಟಿ: 9 ಜನರಿಗೆ ಗಾಯ

ಕುಮಟಾ: ಹೊನ್ನಾವರದಿಂದ ಕುಮಟಾ ಕಡೆ ಬರುತ್ತಿದ್ದ ಟಿಟಿ ವಾಹನಕ್ಕೆ ಬೀಡಾಡಿ ದನ ಅಡ್ಡ ಬಂದಿದ್ದರಿoದ ವಾಹನ ಅಪಘಾತವಾಗಿದ್ದು, ಟಿಟಿ ವಾಹನದ ಒಳಗಿದ್ದ 9 ಜನರಿಗೆ ಗಾಯವಾಗಿದೆ.
ಜೂ 18ರಂದು ಹಾವೇರಿಯ ಬ್ಯಾಂಕ್ ಉದ್ಯೋಗಿ ರವಿ ಮಳಲಿ ಎಂಬಾತ ತನ್ನ ಕುಟುಂಬದವರು ಹಾಗೂ ಸ್ನೇಹಿತರ ಜೊತೆ ಕರಾವಳಿ ಭಾಗದ ಪ್ರವಾಸಕ್ಕೆ ಬಂದಿದ್ದ. ಮಧ್ಯಾಹ್ನದ ವೇಳೆ ಹೊನ್ನಾವರದಿಂದ ಹೊರಟ ಅವರ ವಾಹನಕ್ಕೆ ಹೊಳಗದ್ದೆ ಬಳಿ ಬೀಡಾಡಿ ದನ ಅಡ್ಡ ಬಂದಿದ್ದು, ಅದಕ್ಕೆ ಡಿಕ್ಕಿ ಹೊಡೆಯುವುದನ್ನು ತಪ್ಪಿಸಲು ವಾಹನ ಚಾಲಕ ಪರಶುರಾಮ ಏಕಾಏಕಿ ಗಾಡಿ ತಿರುಗಿಸಿದ್ದು ರಸ್ತೆಯ ಡಿವೈಡರ್’ಗೆ ಗುದ್ದಿದೆ. ಇದರಿಂದ ವಾಹನದ ಒಳಗಿದ್ದ ರವಿ ಮಲಳಿ, ವಿರೇಶ ಕುಮಾರ, ಶೀಲಾವತಿ, ಸೌಮ್ಯ, ಪೂಜಾ, ಮಹಾಂತೇಶ, ಕರಬಸ್ಸಪ್ಪ ಹಾಗೂ ರೇಖಾ ಎಂಬಾತರಿಗೆ ಗಾಯಗಳಾಗಿದೆ.