50 ಸಾವಿರ ಕೊಟ್ಟವರಿಗೆ ಅಂಗನವಾಡಿ ಹುದ್ದೆ: ಕಾಂಗ್ರೆಸ್ ನಾಯಕಿಯ ಆಡಿಯೋ ವೈರಲ್!

ಮುಂಡಗೋಡದ ಅಂಗನವಾಡಿಯಲ್ಲಿ ಖಾಲಿಯಿರುವ ಹುದ್ದೆಯೊಂದಕ್ಕೆ ಕಾಂಗ್ರೆಸ್ ನಾಯಕಿ 50 ಸಾವಿರ ರೂ ಬೇಡಿಕೆ ಇಟ್ಟಿರುವ ಆಡಿಯೋ ಇದೀಗ ವೈರಲ್ ಆಗಿದೆ. ಮಾರಿಕಾಂಬಾ ನಗರದಲ್ಲಿರುವ ಸರ್ಕಾರಿ ಶಾಲೆಯಲ್ಲಿ ಅಂಗನವಾಡಿಯಲ್ಲಿ ಅಡುಗೆ ಸಹಾಯಕಿ ಹುದ್ದೆ ಖಾಲಿ ಇದ್ದು, ಅನೇಕರು ಅದಕ್ಕೆ ಅರ್ಜಿ ಸಲ್ಲಿಸಿದ್ದರು. ಈ ನಡುವೆ ಪ ಪಂ ಸದಸ್ಯೆಯೂ ಆಗಿರುವ ಕಾಂಗ್ರೆಸ್ ನಾಯಕಿ ಬಿ ಬಿ ಜಾನ್ ಮಲ್ಲನ್ನವರ್ ಎಂಬಾಕೆಯದು ಎನ್ನಲಾದ ಆಡಿಯೋ ಭಾರೀ ಪ್ರಮಾಣದಲ್ಲಿ ವೈರಲ್ ಆಗುತ್ತಿದೆ.
`ಕೆಲಸ ಆಗಿಲ್ಲ ಎಂದರೆ ಕೊಟ್ಟ ದುಡ್ಡು ವಾಪಸ್ ಕೊಡುತ್ತೇನೆ. ಇದೀಗ ಮಾತು ಆಡಿದಂತೆ ದುಡ್ಡು ಕೊಡಿ, ಪೆಪರ್ ರೆಡಿ ಮಾಡಿಸಿಕೊಡುತ್ತೇನೆ’ ಎಂದು ಆಕೆ ಹೇಳಿದ್ದಾಳೆ. ಆಗ ಅರ್ಜಿದಾರರು `ನಿಮಗೆ ಖುಷಿಗೆ 2 ಸಾವಿರ ಕೊಡುವೆ’ ಎಂದು ಹೇಳಿದ್ದು, `ಈ ಹಣ ತನಗೆ ಬೇಡ, ಬೇರೆಯವರಿಗೆ ಕೊಡಲು ಬೇಕು’ ಎಂದು ಕಾಂಗ್ರೆಸ್ ನಾಯಕಿ ಆಡಿಯೋದಲ್ಲಿ ಹೇಳಿದ್ದಾಳೆ. `ಒಂದು ದಿನ ಒಳಗೆ ಹಣ ವ್ಯವಸ್ಥೆ ಮಾಡಿ. ಯಾರೂ ಬೇಗ ಹಣ ಕೊಡುತ್ತಾರೆಯೋ ಅವರಿಗೆ ಕೆಲಸ ಪಕ್ಕಾ’ ಎಂದಿರುವ ಆಡಿಯೋ ಇದಾಗಿದೆ.

Advertisement. Scroll to continue reading.

No Result