ಬದುಕಿದ್ದ ಪತ್ರಕರ್ತನನ್ನು ಸಾಯಿಸಿದ ಪೊಲೀಸರು!

ಕುಮಟಾದ ಪತ್ರಕರ್ತರೊಬ್ಬರನ್ನು ಪೊಲೀಸರು ಕಡತವೊಂದರಲ್ಲಿ ಸಾಯಿಸಿದ್ದಾರೆ!
2024ರ ಜ 28ರಂದು ಪತ್ರಕರ್ತರೊಬ್ಬರು ತಮ್ಮ ಕಾರನ್ನು ಬೈಕಿಗೆ ಗುದ್ದಿದ್ದು, ಬೈಕ್ ಸವಾರ ಜುಲೈ 9ರಂದು ಸಾವನಪ್ಪಿದ್ದಾನೆ. ಈ ಪ್ರಕರಣದ ಬಗ್ಗೆ ಪತ್ರಕರ್ತನ ವಿರುದ್ಧ ಬೈಕ್ ಸವಾರನ ಸಂಬoಧಿ ಪೊಲೀಸ್ ದೂರು ದಾಖಲಿಸಿದ್ದು, ಆರೋಪಿ ಸ್ಥಾನದಲ್ಲಿ ಕೂರಿಸುವ ಪತ್ರಕರ್ತನನ್ನು `ಮೃತ’ನ ಸ್ಥಾನದಲ್ಲಿ ಕೂರಿಸಿದ್ದಾರೆ.
ಅಪಘಾತ ಮಾಡಿದ ಪತ್ರಕರ್ತ ಇನ್ನೂ ಜೀವಂತವಾಗಿದ್ದು, `S News’ ಪ್ರತಿನಿಧಿ ಈಗಷ್ಟೇ ಫೋನ್ ಮಾಡಿ ಅವರ ಜೊತೆ ಮಾತನಾಡಿದ್ದರು. `ನಾನಿನ್ನು ಬದುಕಿದ್ದೇನೆ’ ಎಂದು ಅವರು ಸಾಕ್ಷಿ ಹೇಳಿದರು. ಪೊಲೀಸರ ಕಣ್ತಪ್ಪಿನಿಂದ ಈ ಅವಾಂತರ ನಡೆದಿದೆ. ಇದು ಉದ್ದೇಶಪೂರ್ವಕವಾಗಿ ನಡೆದ ತಪ್ಪಲ್ಲ.
ಕಣ್ತಪ್ಪಿನಿಂದ ಆದ ತಪ್ಪನ್ನು ಸರಿಪಡಿಸಿ ಪೊಲೀಸರು ರಾತ್ರಿ ಸರಿಪಡಿಸಿದ್ದು, `ಗಾಯಗೊಂಡಿದ್ದ ನಿವೃತ್ತ ನೌಕರ ಸಾವು’ ಎಂಬ ತಲೆಬರಹದ ಅಡಿ `S News’ ಆ ವರದಿಯನ್ನು ಪ್ರಕಟಿಸಿದೆ.