ಹರಿಯುವ ನದಿಯಲ್ಲಿ ಹೆಸ್ಕಾಂ ಸಿಬ್ಬಂದಿ ಹರಸಾಹಸ

ಯಲ್ಲಾಪುರ: ನಾಗರಜಡ್ಡಿಯಲ್ಲಿ ಹರಿಯುವ ನದಿಯಲ್ಲಿ ಹೆಸ್ಕಾಂ ಸಿಬ್ಬಂದಿ ವಿದ್ಯುತ್ ಲೈನ್ ಎಳೆದ ವಿಡಿಯೋ ವೈರಲ್ ಆಗಿದೆ.
ಈ ಭಾಗದಲ್ಲಿ ವಿದ್ಯುತ್ ತಂತಿ ತುಂಡಾದ ಪರಿಣಾಮ ವಿದ್ಯುತ್ ಸಂಪರ್ಕ ಕಡಿತವಾಗಿತ್ತು. ಈ ಬಗ್ಗೆ ಜನ ಹೆಸ್ಕಾಂ’ಗೆ ದೂರು ನೀಡಿದ್ದರು. ಸ್ಥಳ ಪರಿಶೀಲನೆ ನಡೆಸಿದ ಲೈನ್‌ಮೆನ್ ಬಸವರಾಜ, ಲಕ್ಷಣ, ದಿನೇಶ ಹಾಗೂ ಕರಿಬಸು ನದಿಯ ಅಪಾಯವನ್ನು ಲೆಕ್ಕಿಸದೇ ಅದರಲ್ಲಿ ಇಳಿದು ವಿದ್ಯುತ್ ತಂತಿ ಎಳೆದರು. ಆ ಮೂಲಕ 4 ದಿನದ ನಂತರ ಆ ಭಾಗದವರಿಗೆ ವಿದ್ಯುತ್ ಸರಬರಾಜು ಮಾಡಲಾಗಿದೆ.