ಸೊಸೈಟಿಗೆ ಕೋಟಿ ರೂ ಬಾಕಿ: ಬೆಳೆ ಸಾಲ ಪಡೆಯಲು ರೈತರ ಹೋರಾಟ!

ಹೊನ್ನಾವರ: ಜಲವಳ್ಳಿ ವ್ಯವಸಾಯ ಸೇವಾ ಸಹಕಾರಿ ಸಂಘದಲ್ಲಿ ಕೆಲ ರೈತರು ಸಾಲ ಪಡೆಯುವ ವೇಳೆ ಜಾಮೀನುದಾರರಾಗಿ ಸಹಿ ಮಾಡಿದವರಿಗೂ ಬೆಳೆ ಸಾಲ ಸಿಗದೇ ಸಂಕಷ್ಟ ಎದುರಾಗಿದೆ.

Advertisement. Scroll to continue reading.

ಬೆಳೆಸಾಲ ಕೊಡದ ಕಾರಣ ಆಕ್ರೋಶಗೊಂಡ ರೈತರು ಸೊಸೈಟಿಗೆ ಮುತ್ತಿಗೆ ಹಾಕಿ ಪ್ರತಿಭಟಿಸಿದ್ದಾರೆ. `ಸಾಲ ನೀಡುವ ಪೂರ್ವದಲ್ಲಿ ಸೊಸೈಟಿಯಿಂದ ಜಾಮೀನುದಾರರಿಗೆ ಈ ಬಗ್ಗೆ ಮಾಹಿತಿ ಕೊಟ್ಟಿಲ್ಲ’ ಎಂಬುದು ರೈತರ ದೂರು. `ಕಳೆದ ಎರಡು ವರ್ಷದಿಂದ ಸೊಸೈಟಿ ಸಭೆ ನಡೆಸಿಲ್ಲ. ಯಾವ ರೈತರಿಗೂ ಮಾಧ್ಯಮಿಕ ಸಾಲ ಸಿಕ್ಕಿಲ್ಲ’ ಎಂದು ಆಕ್ರೋಶ ಹೊರಹಾಕಿದರು.

Advertisement. Scroll to continue reading.

ADVERTISEMENT

`ಸಾಲ ಕೊಡಿ ಎಂದರೆ ಸಾಲಗಾರರ ಬಾಕಿ ಪಾವತಿಸಿ ಎನ್ನುತ್ತಾರೆ. ಗಾಳಿ-ಮಳೆಯಿಂದ ತೋಟಕ್ಕೆ ಹಾನಿಯಾಗಿದ್ದು, ತುರ್ತಾಗಿ ಸಾಲ ಸಿಗದಿದ್ದರೆ ಆತ್ಮಹತ್ಯೆಯೇ ಪರಿಹಾರ’ ಎಂದು ಕೇಶವ ನಾಯ್ಕ ಅಳಲು ತೋಡಿಕೊಂಡರು. `ಕೋಟಿ ಲೆಕ್ಕಾಚಾರದಲ್ಲಿ ಸಾಲ ಬಾಕಿ ಇರುವುದರಿಂದ ಸಮಸ್ಯೆಯಾಗಿದೆ. ನಮಗೂ ಪ್ರಶ್ನಿಸುವವರಿದ್ದಾರೆ’ ಎಂದು ಸೊಸೈಟಿ ಅಧ್ಯಕ್ಷ ಜಯಂತ ನಾಯ್ಕ ಹೇಳಿದರು.