ಶಿರಸಿ: ದೇವತೆಮನೆಯ ಸುಬ್ರಾಯ ಭಟ್ಟ ಎಂಬಾತರು ಟಿವಿಎಸ್ ಸ್ಕೂಟಿಗೆ ಬೈಕ್ ಗುದ್ದಿದ ಪರಿಣಾಮ ನಾಗೇಶ ಮುಕ್ರಿ ಎಂಬಾತರು ಗಾಯಗೊಂಡಿದ್ದಾರೆ.
ಸೆ 15ರಂದು ಸುಬ್ರಾಯ ಭಟ್ಟರು ಕೆಂಗೆರೆಹೊಳೆ ಕಡೆಯಿಂದ ಓಣಿಕೇರಿ ಕಡೆ ಬೈಕ್ ಓಡಿಸುತ್ತಿದ್ದರು. ಕಾನಕೊಪ್ಪ ಬಸ್ ನಿಲ್ದಾಣದ ಹತ್ತಿರ ಬಂದಾಗ ಸುಬ್ರಾಯ ಭಟ್ಟರು ಅಲ್ಲಿದ್ದ ಸ್ಕೂಟಿಗೆ ಬೈಕ್ ಗುದ್ದಿದ್ದು, ಸ್ಕೂಟಿಯ ಹಿಂಬದಿ ಸವಾರರಾಗಿದ್ದ ನಾಗೇಶ ಮುಕ್ರಿ ನೆಲಕ್ಕೆ ಬಿದ್ದರು. ಈ ವೇಳೆ ಅವರ ಬಲಗಾಲಿನ ಪಾದ ಮುರಿದಿದ್ದು, ಮೊಣಕಾಲಿನ ಗಂಟಿಗೂ ಪೆಟ್ಟಾಗಿದೆ. ನಾಗೇಶ ಮುಕ್ರಿ ಓಣಿಕೆರೆಯ ಮಣ್ಣಿನಮನೆಯವರು. ಅವರ ಪುತ್ರ ವಿನಾಯಕ ನಾಗೇಶ ಮುಕ್ರಿ ಸುಬ್ರಾಯ ಭಟ್ಟರ ವಿರುದ್ಧ ಪೊಲೀಸ್ ದೂರು ನೀಡಿದ್ದಾರೆ.
ಅರಳಿ ಮರದ ಕೆಳಗೆ ಪೊಲೀಸ್ ದಾಳಿ
ಅಂಕೋಲಾ: ಮಾದನಗೇರಿಯಲ್ಲಿ ಮಟ್ಕಾ ಆಡಿಸುತ್ತಿದ್ದ ರಘುವೀರ ಕಮಲಾಕರ ನಾಯಕ ಎಂಬಾತನ ಮೇಲೆ ಪೊಲೀಸರು ದಾಳಿ ನಡೆಸಿದ್ದಾರೆ.
ಗೋಕರ್ಣ – ಅಂಕೋಲಾ ರಸ್ತೆಯ ಬದಿಯಲ್ಲಿರುವ ಅರಳಿ ಮರದ ಕೆಳಗೆ ಸೆ 14ರಂದು ರಘುವೀರ ನಾಯಕ ಮಟ್ಕಾ ಆಡಿಸುತ್ತಿದ್ದಾಗ ಅಂಕೋಲಾ ಪೊಲೀಸ್ ನಿರೀಕ್ಷಕ ಚಂದ್ರಶೇಖರ ಮಠಪತಿ ದಾಳಿ ಮಾಡಿದರು. 1 ರೂಪಾಯಿಗೆ 80 ರೂ ಕೊಡುವುದಾಗಿ ನಂಬಿಸಿ ಆತ ಸಂಗ್ರಹಿಸಿದ್ದ 550ರೂ ಹಣದ ಜೊತೆ ಜೂಜಾಟಕ್ಕೆ ಬಳಸಿದ ಸಾಮಗ್ರಿಗಳನ್ನು ಪೊಲೀಸರು ವಶಕ್ಕೆ ಪಡೆದರು.
