ಶಿರಸಿ: ಇಂದಿರಾ ನಗರದ ಮೊದಲ ತಿರುವಿನಲ್ಲಿದ್ದ ಮನೆಯೊಂದಕ್ಕೆ ಮಂಗಳವಾರ ಬೆಂಕಿ ತಗುಲಿದೆ. ಪರಿಣಾಮ ಮನೆಯಲ್ಲಿದ್ದ ಬಹುತೇಕ ಎಲ್ಲಾ ವಸ್ತುಗಳು ನಾಶವಾಗಿದೆ.
ಕೂಲಿ ಕೆಲಸ ಮಾಡುವ ನಾಗರತ್ನ ನಾಯ್ಕ ಎಂಬಾತರು ಈ ಮನೆಯನ್ನು ಬಾಡಿಗೆಗೆ ಪಡೆದು ವಾಸಿಸುತ್ತಿದ್ದರು. ನಾಗರತ್ನ ಅವರ ಇಬ್ಬರು ಮಕ್ಕಳು ಸೇರಿ ಮೂರು ಜನ ಈ ಮನೆಯಲ್ಲಿದ್ದರು. ಮಂಗಳವಾರ ನಾಗರತ್ನ ಅವರು ಕೂಲಿ ಕೆಲಸಕ್ಕೆ ಹೋದಾಗ ಮನೆಗೆ ಬೆಂಕಿ ತಗುಲಿದೆ. ಅಗ್ನಿ ಆಕಸ್ಮಿಕದಲ್ಲಿ ಮನೆಯೊಳಗಿನ ಬಟ್ಟೆ ಹಾಗೂ ವಿವಿಧ ದಾಖಲಾತಿಗಳು ನಾಶವಾಗಿದೆ.
ನಾಗರತ್ನ ನಾಯ್ಕ ಅವರ ಎರಡು ಮಕ್ಕಳ ಶೈಕ್ಷಣಿಕ ಬದುಕಿಗೆ ಅಗತ್ಯವಿದ್ದ ಪಠ್ಯ ಪುಸ್ತಕಗಳು ಸಹ ಸುಟ್ಟು ಕರಕಲಾಗಿವೆ. ಊಟದ ಪಾತ್ರೆಗಳು ಸಹ ಉಳಿದಿಲ್ಲ. ಆಹಾರ ಹಾಗೂ ದಿನಸಿ ಸಾಮಗ್ರಿಗಳು ಸಹ ಅಗ್ನಿಯ ಜ್ವಾಲೆಗೆ ಉರಿದಿವೆ. ವಿದ್ಯುತ್ ಶಾರ್ಟ ಸರ್ಕೀಟ್ ಈ ಅವಘಡಕ್ಕೆ ಕಾರಣ.
ಅಗ್ನಿ ಅವಘಡದಿಂದ ಆದ ಹಾನಿಯ ವಿಡಿಯೋ ಇಲ್ಲಿ ನೋಡಿ…
