ಸಿಮೆಂಟ್ ಪಾಕ್ಟರಿ ಒಳಗೆ ಮಾರಾಮಾರಿ!

ಮುಂಡಗೋಡು: ತೆಗ್ಗಿನಕೊಪ್ಪ ಮೂಲದ ಸಹಾಯಕ ಇಂಜಿನಿಯರ್ ರವಿ ರಾಠೋಡ್ ಅವರ ಮೇಲೆ ನಾಲ್ವರು ಹಲ್ಲೆ ನಡೆಸಿದ್ದಾರೆ.

Advertisement. Scroll to continue reading.

ಸೆ 22ರಂದು ರವಿ ರಾಠೋಡ್ ಅವರು ತಮ್ಮ ತಂದೆ ಆದು ರಾಥೋಡ್, ಅಣ್ಣ ಸುನೀಲ ರಾಠೋಡ್, ಅತ್ತಿಗೆ ಗೀತಾ ರಾಠೋಡ್ ಅವರ ಜೊತೆ ಮಾತನಾಡುತ್ತಿದ್ದರು. ತೆಗ್ಗಿನಕೊಪ್ಪದಲ್ಲಿರುವ ತಮ್ಮ ಒಡೆತನದ ಸಿಮೆಂಟ್ ಬ್ಲಾಕ್ ಪಾಕ್ಟರಿ ಬಳಿ ಆ ಪ್ರದೇಶಕ್ಕೆ ನುಗ್ಗಿದ ಮನೋಹರ ಲಮಾಣಿ ಎಂಬಾತ ಏಕಾಏಕಿ ಅವರ ಮೇಲೆ ಹಲ್ಲೆ ನಡೆಸಿದ್ದಾನೆ. ಮನೋಹರ ಲಮಾಣಿ ಜೊತೆ ವಿನೋದ ಎಂಬ ಇನ್ನೊಬ್ಬ ಹಾಗೂ ಮತ್ತಿಬ್ಬರು ಅಪರಿಚಿತರು ಇದ್ದರು.

Advertisement. Scroll to continue reading.

ಈ ನಾಲ್ವರು ಸೇರಿ ರವಿ ಅವರಿಗೆ ಕೆನ್ನೆಗೆ ಹೊಡೆದು ಕಾಲಿನಿಂದ ತುಳಿದಿದ್ದು, ಹೊಡೆದಾಟ ತಪ್ಪಿಸಲು ಬಂದ ಆದು ರಾಥೋಡ್ ಹಾಗೂ ಗೀತಾ ರಾಥೋಡ್ ಸಹ ಪೆಟ್ಟು ಮಾಡಿಕೊಂಡಿದ್ದಾರೆ. ಈ ವೇಳೆ ಮನೋಹರ ಲಮಾಣಿ ಬಡಿಗೆ ತೆಗೆದುಕೊಂಡು ಹೊಡೆದಿದ್ದು, ದುಷ್ಕರ್ಮಿಗಳ ವಿರುದ್ಧ ಕ್ರಮ ಜರುಗಿಸುವಂತೆ ರವಿ ಪೊಲೀಸ್ ದೂರು ನೀಡಿದ್ದಾರೆ.