ಮೀನು ಖರೀದಿಗೆ ಹೋದವ ಮಾಯ!

ಕುಮಟಾ: ವಿದೇಶದಲ್ಲಿ ಉದ್ಯೋಗ ಮಾಡುತ್ತಿದ್ದ ದೀವಳ್ಳಿ ಮೂಲದ ರೋಲ್ಸನ್ ಹೊಟಾ (24) ಎಂಬಾತ ಕಾಣೆಯಾಗಿದ್ದಾನೆ. ಎಷ್ಟು ಹುಡುಕಾಟ ನಡೆಸಿದರೂ ಆತನ ಸುಳಿವಿಲ್ಲ.

ಸೆ 28ರಂದು ಆತ ತನ್ನ ತಂದೆ ರೆಮೆಂಡಿಯೋ ಅವರ ಜೊತೆ ಕಿರಾಣಿ ಸಾಮಗ್ರಿ ಖರೀದಿಗೆ ಪೇಟೆಗೆ ಬಂದಿದ್ದ. ಅದಾದ ನಂತರ ತಂದೆಯ ಜೊತೆ ಮೀನು ಖರೀದಿಗೆ ತೆರಳಿದ್ದ. ಸಂಜೆ 6 ಗಂಟೆಗೆ ರೆಮೆಂಡಿಯೋ ಅವರು ಮೀನು ಖರೀದಿ ಮಾಡುತ್ತಿದ್ದಾಗ ರೋಲ್ಸನ್ ಅಳ್ವೆಕೋಡಿ ಕಡೆಗೆ ನಡೆದು ಹೋಗಿದ್ದು, ನಂತರ ಆತನನ್ನು ನೋಡಿದವರಿಲ್ಲ.

Advertisement. Scroll to continue reading.

ರಾತ್ರಿ ಕಳೆದು ಬೆಳಗಾದರೂ ಆತ ಮನೆಗೆ ಮರಳಿಲ್ಲ. ಸಂಬoಧಿಕರ ಮನೆಯಲ್ಲಿ ವಿಚಾರಿಸಿದರೂ ಅಲ್ಲಿಯೂ ರೋಲ್ಸನ್ ಬಗ್ಗೆ ಮಾಹಿತಿ ಸಿಕ್ಕಿಲ್ಲ. ಹೀಗಾಗಿ ಮಗನನ್ನು ಹುಡುಕಿಕೊಡಿ ಎಂದು ರೆಮೆಂಡಿಯೋ ಪೊಲೀಸರ ಮೊರೆ ಹೋಗಿದ್ದಾರೆ.