ಕಾರು - ಬೈಕ್ ನಡುವೆ ಅಪಘಾತ: ಮಹಿಳೆಯ ಮೂಳೆ ಮುರಿದ ನಿವೃತ್ತ ನೌಕರ!

ಕಾರು – ಬೈಕ್ ನಡುವೆ ಅಪಘಾತ: ಮಹಿಳೆಯ ಮೂಳೆ ಮುರಿದ ನಿವೃತ್ತ ನೌಕರ!

ಕುಮಟಾ: ಕಾರು ಹಾಗೂ ಬೈಕಿನ ನಡುವೆ ನಡೆದ ಅಪಘಾತದಲ್ಲಿ ಮಹಿಳೆಯೊಬ್ಬರು ಕಾಲು ಮುರಿದುಕೊಂಡಿದ್ದಾರೆ.

ಹoದಿಗೋಣದ ನಿವೃತ್ತ ನೌಕರ ವಿನಾಯಕ ಶಾಸ್ತ್ರೀ ಅವರು ಓಡಿಸುತ್ತಿದ್ದ ಕಾರು ಹೊನ್ನಾವರದ ಚಂದಾವರದ ನಿವೃತ್ತ ನೌಕರ ದಯಾನಂದ ಯಶ್ವಂತ ನಾಯ್ಕ ಅವರು ಓಡಿಸುತ್ತಿದ್ದ ಬೈಕಿಗೆ ಡಿಕ್ಕಿಯಾಗಿದೆ. ಪರಿಣಾಮ ಬೈಕಿನಲ್ಲಿ ಹಿಂದೆ ಕೂತಿದ್ದ ದಯಾನಂದ ನಾಯ್ಕ ಅವರ ಪತ್ನಿ ಶ್ಯಾಮಲಾ (54) ಗಾಯಗೊಂಡಿದ್ದಾರೆ.

ಅ 3ರಂದು ಸಂಜೆ ದಯಾನಂದ ನಾಯ್ಕ ಅವರು ಪತ್ನಿ ಜೊತೆ ಹೊಳೆಗದ್ದೆಯಿಂದ ಕುಮಟಾ ಕಡೆ ಬೈಕಿನಲ್ಲಿ ಹೋಗುತ್ತಿದ್ದರು. ಹಂದಿಗೋಣ ಶಾಲೆ ಹತ್ತಿರ ತೆರಳಿದಾಗ ಎದುರಿನಿಂದ ಕಾರು ಓಡಿಸಿಕೊಂಡು ಬಂದ ವಿನಾಯಕ ಶಾಸ್ತ್ರೀ ಅವರು ಯಾವುದೇ ಸೂಚನೆ ನೀಡದೇ ಯೂಟರ್ನ ತೆಗೆದುಕೊಂಡಿದ್ದು, ಈ ವೇಳೆ ಕಾರು ಬೈಕಿಗೆ ಗುದ್ದಿದೆ.

Advertisement. Scroll to continue reading.

ಈ ಅಪಘಾತದಿಂದ ಬೈಕಿನಲ್ಲಿದ್ದ ಇಬ್ಬರು ನೆಲಕ್ಕೆ ಬಿದ್ದರು. ಹಿಂದೆ ಕೂತಿದ್ದ ಶ್ಯಾಮಲಾ ಅವರ ಕಾಲಿನ ಮೊಣಗಂಟು ಮೂಳೆ ಮುರಿದಿದೆ. ಜೊತೆಗೆ ತಲೆ ಹೊಟ್ಟೆಗೆ ಸಹ ಗಾಯವಾಗಿದೆ.